19.02.2026 | 21:27
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Լավրովը՝ ԼՂ կարգավիճակի, ԼՀԿ-ն՝ հնարավոր բախումների մասին․ Լուրեր
Քաղաքականություն
09.06.2021 | 15:43
Լեռնային Ղարաբաղի կարգավիճակի հարցը անհրաժեշտ է համաձայնեցնել ԵԱՀԿ Միսկի խմբի համանախագահների մասնակցությամբ: Այս մասին հայտարարել է ՌԴ ԱԳ նախարար Սերգեյ Լավրովը։ Նա, սակայն, նշել է, որ հիմա պետք է շեշտը դնել ոչ թե դրա, այլ տարածաշրջան խաղաղ կյանքի վերադարձի վրա։
—
Հայաստանում նախընտրական քարոզարշավի 3-րդ օրն է։ ԼՀԿ քարոզչության ընթացքում Գևորգ Գորգիսյանը հայտարարել է, մեջբերում եմ, քանի դեռ մենք իրար միս ենք ուտում, թշնամին մետր-մետր առաջ է գալիս։ Գորգիսյանը նաև ասել է, որ եթե ատելության գեներացումը շարունակվի, հնարավոր է՝ հունիսի 20-ից հետո բախումներ լինեն։
—
ՔՊ քարոզարշավի ընթացքում Նիկոլ Փաշինյանը հայտարարել է, որ հանձնարարել է ադրբեջանական կողմին պաշտոնապես փոխանցել առաջարկը, ըստ որի՝ պատրաստ է իր որդուն հանձնել Ադրբեջանում պահվող բոլոր գերիների դիմաց։
—
Պատիվ ունեմ դաշինքի նախընտրական քարոզչության ժամանակ Դավիթ Հարությունյանն ասել է, որ այս իշխանությանը գերիների հարցն ընդհանրապես չի հետաքրքրում․որևէ ժամկետ չեն նշում։ Նրա խոսքով՝ դիվանագիտական մարտադաշտում ևս զինվոր չունենք․ դիվանագիտական կորպուսը ջախջախել են։
