02.05.2024 | 15:18
Վրաստանի խորհրդարանի մոտ անցկացված բողոքի ակցիայի ժամանակ 15 մարդ է հոսպիտալացվել
Բրիտանական BP-ն Լեռնային Ղարաբաղում 200 մլն դոլարի ներդրում է անում՝ արևային էլեկտրակայան կառուցելու համար
Տնտեսություն
04.06.2021 | 17:53
Բրիտանական British Petroleum (BP) ընկերությունը Արցախի գրավյալ Կովսական-Ջրական (Զանգիլան-Ջաբրայիլ) գոտում արևային էլեկտրակայան է կառուցելու, որը գնահատվում է 200 մլն դոլար։ Այս մասին «Ինտերֆաքս»-ի ադրբեջանական ծառայությանը հայտնել են Ադրբեջանի Էներգետիկայի նախարարությունից։
«Նախօրեին Ադրբեջանի էներգետիկայի նախարարությունն ու BP-ն ստորագրել են Զանգիլան-Ջաբրայիլ գոտում 240 ՄՎՏ հզորությամբ արևային էլեկտրակայանի կառուցման ծրագրի գնահատման ու իրագործման պայմանագիր։ Համագործակցությունը պայմանագրի շրջանակում ենթադրվում է արևային էներգետիկայի ծրագրի տեխնիկական և կոմերցիոն գնահատում, կայանների նախագծում, ֆինանսավորման ապահովում և վերջնական ներդրումային որոշման կայացում»,- ասվում է հաղորդագրությունում։
Ադրբեջանի Էներեգետիկայի նախարարությունից լրատվամիջոցին նաև ասել են, որ սա առաջին խոշոր ներդրումն է Արցախի գրավյալ տարածքներում։
Բրիտանական ընկերության հետ կնքված պայմանագիրն էլ ռազմավարական որոշման շրջանակում է, որը կապված է Ղարաբաղում «կանաչ էներգիայի» գոտու ստեղծման և Ադրբեջանում վերականգնվող էներգիայի ոլորտի զարգացման հետ։
Էմմա Չոբանյան
