Սննդամթերքը մեկ տարում թանկացել է 7․5%-ով․ շաքարավազն ու ձեթը շարունակում են թանկանալ

Լուրեր

22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
Բոլորը

Սննդամթերքի և ոչ ալկոհոլային խմիչքի գները մայիսին, նախորդ տարվա նույն ամսվա համեմատ, աճել են 7.5%-ով, իսկ ապրիլի համեմատ 1.0% գնանկում է արձանագրվել: Վերջինիս մեծապես նպաստել են բանջարեղենի, մրգի, կաթնամթերքի, պանրի և ձվի 7.0-1.3% գնանկումները:

Այսպիսով՝ մայիսին, ապրիլի համեմատ, մրգի և բանջարեղենի ապրանքախմբերի ընդհանուր գնանկումը կազմել է 5․8%, իսկ կաթնամթերք, պանիր և ձու ապրանքախմբում՝ 1․3%:

Փոխարենը միսը, շաքարավազը, յուղերն ու ճարպերը շարունակել են թանկանալ։

Այսպես՝ մսամթերքը մեկ տարում թանկացել է 5․3%-ով, իսկ նախորդ ամսվա՝ ապրիլի համեմատ 0․9% գնաճ է արձանագրվել:

Շաքարի և շաքարավազի ապրանքախմբում 2021թ. մայիսին, 2020թ. մայիսի համեմատ, գրանցվել է 43.3%, իսկ 2021թ. ապրիլի համեմատ՝ 1.9% գնաճ:

Յուղերի և ճարպերի ապրանքախմբում 2021թ. մայիսին, 2020-ի մայիսի համեմատ, արձանագրվել է 33.4%, իսկ 2021թ. ապրիլի համեմատ՝ 3.6% գնաճ (արևածաղկի բուսական յուղի միջին գնաճը 2021թ. մայիսին, 2020թ. մայիսի համեմատ, կազմել է 84.4%, իսկ 2021թ. ապրիլի համեմատ՝ 6.0%):

Ձկան և ծովամթերքի ապրանքախմբում 2021թ. մայիսին, 2020-ի մայիսի համեմատ, արձանագրվել է 14.4%, իսկ 2021թ. ապրիլի համեմատ՝ 4.8% գնաճ:

Ալկոհոլային խմիչքի և ծխախոտային արտադրատեսակների ապրանքախմբում 2021թ. մայիսին, 2020թ. մայիսի համեմատ, արձանագրվել է 8.7%, իսկ 2021թ. ապրիլի համեմատ՝ 1.0% գնաճ:

Ալկոհոլային խմիչքի միջին գնաճը 2021թ. մայիսին, 2020թ. մայիսի համեմատ, կազմել է 8.7%, 2021թ. ապրիլի համեմատ՝ 0.7%, իսկ ծխախոտային արտադրատեսակներինը, համապատասխանաբար, 8.7% և 1.5%:

2021թ. մայիսին, ապրիլի համեմատ, հանրապետությունում արձանագրվել է հացաբուլկեղենի և ձավարեղենի՝ 0.5%, ոչ ալկոհոլային խմիչքի՝ 0.6%, սուրճի, թեյի, կակաոյի՝ 0.7% գնաճ:

Ծառայությունների սակագներ

Մատուցված ծառայությունների ոլորտում մայիսին, նախորդ տարվա նույն ամսվա համեմատ, արձանագրվել է սակագների 2.2% հավելաճ, իսկ 2021թ. ապրիլի համեմատ՝ 0.2% նվազում: 2021թ. մայիսին, ապրիլի համեմատ, հանրապետությունում գրանցվել է բնակարանի նորոգման և սպասարկման ծառայությունների՝ 0.3%, սպասարկման ծառայությունների՝ 0.8%, հյուրանոցային ծառայությունների՝ 2.0%, հանգստի կազմակերպման ծառայությունների սակագների 2.9% հավելաճ:

Արտարժույթի շուկա

2021թ. մայիսին, ապրիլի համեմատ, սպառողական և արտարժույթի շուկաներում արձանագրվել է գների և ԱՄՆ դոլարի նկատմամբ հայկական դրամի հաշվարկային փոխարժեքի, համապատասխանաբար, 0.4% և 0.8% նվազում (ՀՀ դրամն արժևորվել է):

Նախորդ տարվա նույն ժամանակահատվածում արձանագրվել է սպառողական գների և ԱՄՆ դոլարի նկատմամբ հայկական դրամի հաշվարկային փոխարժեքի 2.5% և 1.2% հավելաճ: 2021թ. մայիսին ԱՄՆ դոլարի նկատմամբ հայկական դրամի միջին հաշվարկային փոխարժեքը կազմել է 521. դրամ, ինչը 7.7%-ով բարձր է 2020թ. մայիսի համապատասխան ցուցանիշից (484.1 դրամ):

Անժելա Պողոսյան