16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Նեթանյահուն կոչ է արել արգելափակել նորաստեղծ կոալիցիայի աշխատանքը
Քաղաքականություն
03.06.2021 | 21:25
Իսրայելի վարչապետ Բենիամին Նեթանյահուն քննադատել է նորաստեղծ կոալիցիան, որը մտադիր է նրան հեռացնել իշխանությունից 12 տարի վարչապետ լինելուց հետո, գրում է BBC News-ը։
Նեթանյահուն կոչ է արել խորհրդարանի աջ թևի անդամներին՝ արգելափակել կոալիցիայի աշխատանքը։
Իսրայելում 8 ընդդիմադիր կուսակցություններ համաձայնության են եկել աշխատել միասին նոր կառավարություն ձևավորելու համար։ Սակայն նրանց պաշտոնները ստանձնելու համար դեռ անհրաժեշտ է խորհրդարանականների աջակցությունը: Կոալիցիայի հայտարարումից հետո իր առաջին մեկնաբանություններում Բենիամին Նեթանյահուն հորդորել է Քնեսեթի (խորհրդարանի) անդամներին ընդդիմանալ կոալիցիային:
Twitter-ում կատարած գրառման մեջ Նեթանյահուն քննադատում է նրանց՝ անվանելով «ձախակողմյան» և «վտանգավոր»:
Նա նոր կառավարությունն անվանել էր «դարի կեղծիք»՝ ասելով, որ այն վտանգում է Իսրայել պետությունն ու ժողովրդին:
Տաթև Ֆռանգյան
