11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Իսրայելում վարչապետ Նեթանյահուի հակառակորդները կարողացել են կոալիցիա ձևավորել
Քաղաքականություն
03.06.2021 | 11:14
Ընդդիմադիր «Յեշ Ատիդ» կուսակցության առաջնորդ Յաիր Լապիդին հաջողվել է կազմել Իսրայելի նախարարների նոր կաբինետը: Այս մասին հունիսի 2-ի երեկոյան Լապիդը հայտնել է երկրի նախագահ Ռեուվեն Ռիվլինին, որն իր առջև դրել է այդ խնդիրը, այս մասին գրում է DW-ի ռուսական ծառայությունը:
Նոր կառավարությունը կհարգի իր հակառակորդներին և հնարավոր ամեն ինչ կանի հասարակության բոլոր մասերը միավորելու համար, խոստացել է «Յեշ Ատիդ»-ի առաջնորդը: 2 տարի վարչապետի պաշտոնը կզբաղեցնի «Խա-Յամին խա-Խադաշ» («Նոր աջերը») աջ կուսակցության համահիմնադիր Նաֆթալի Բենեթը, ապա նրան կփոխարինի Լապիդը: Կառավարության ներկայիս ղեկավար Բինյամին Նեթանյահուն այդ պաշտոնը զբաղեցրել է 12 տարի:
Մայիսի 5-ին Իսրայելի նախագահը հանձնարարել է Լապիդին 28 օրվա ընթացքում կազմել է նոր կաբինետ, քանի որ «Լիկուդ» կուսակցությունից Նեթանյահուն չի կարողացել ստեղծել սահմանված ժամկետում կառավարական կոալիցիա:
Տաթև Ֆռանգյան
