09.06.2026 | 19:44
27 պատռած քվեաթերթիկ վավեր ճանաչվեց․ «Ծալածները համարել են անվավեր ու պատռել». ՏԵՍԱՆՅՈՒԹ
Նորքի ինֆեկցիոնի տնօրենի պաշտոնակատար է նշանակվել տնօրենի մրցույթին դիմած միակ թեկնածուն
01.06.2021 | 13:01
Առողջապահության նախարարության Թոքաբանության ազգային կենտրոնի (Հակատուբերկուլյոզային դիսպանսեր) տնօրեն Վարդան Ավագյանը նշանակվել է Նորքի ինֆեկցիոն հիվանդանոցի տնօրենի պաշտոնակատար։ Առողջապահության նախարարությունից հաստատեցին մեր տեղեկությունը՝ նշելով, որ մրցույթի հայտ ներկայացրած թեկնածուին պաշտոնակատար նշանակելով՝ որևէ խախտում թույլ չեն տվել։
Շուրջ 20 օրից նախատեսված է ինֆեկցիոն հիվանդանոցի տնօրենի մրցույթը, իսկ ահա տնօրենի պաշտոնակատար Վարդան Ավագյանը մրցույթին հայտ ներկայացրած միակ թեկնածուն է։ Այս տեղեկությունները Factor.am-ի հետ զրույցում հաստատեց Վարդան Ավագյանը։
Հիշեցնենք՝ Վարդան Ավագյանը զբաղեցրել է նաև Քաջարանի ԲԿ-ի տնօրենի պաշտոնը։ Ըստ Քննչական կոմիտեի՝ սանիտարահամաճարակային նորմերի խախտումների հետևանքով 2014 թվականի ընթացքում այստեղ վիրահատված 14 քաղաքացի վարակվել է «վիրուսային հեպատիտ C»-ով, նրանց առողջությանը պատճառվել է կյանքին վտանգ սպառնացող ծանր վնաս։
Նարեկ Կիրակոսյան
