16.05.2026 | 20:00
ՀՀ ԱԳ փոխնախարարը ԵԽ գլխավոր քարտուղարին է հանձնել «Մարզական մրցումների մեքենայությունների մասին» կոնվենցիայի վավերագիրը
Միջին աշխատավարձը մեկ տարում աճել է 8%-ով․ որքան է կազմել այն ապրիլին
Տնտեսություն
31.05.2021 | 13:58
Հայաստանում այս տարվա ապրիլին միջին ամսական անվանական աշխատավարձը կազմել է 197 հազար 577 դրամ․ պետական հատվածում՝ 167 հազար 111 դրամ, ոչ պետական հատվածում՝ 212 հազար 229 դրամ։ Այս մասին տեղեկացնում է Պետական վիճակագրական կոմիտեն։
Այսպիսով՝ 2021 թ․ ապրիլին, նախորդ տարվա նույն ամսվա համեմատ, միջին աշխատավարձն աճել է 8%-ով։ Նկատելի աճ է գրանցվել մասնավոր հատվածում՝ 9,8%, իսկ պետական հատվածում աճը կազմել է 2,5%:
Համեմատելով տարվա առաջին 4 ամիսները նախորդ տարվա նույն ժամանակահատվածի հետ՝ միջին անվանական աշխատավարձն աճել է 3,5%-ով, 2,9%-ով՝ պետական հատվածում, 3,7%-ով՝ մասնավոր հատվածում։
Անժելա Պողոսյան
