11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
ԱՄՆ Պետդեպը կոչ է անում Ադրբեջանին և ՀՀ-ին՝ վերադառնալ ելման դիրքեր մայիսի 11-ի դրությամբ
Քաղաքականություն
27.05.2021 | 23:36
ԱՄՆ Պետդեպը կոչ է անում Ադրբեջանին և ՀՀ-ին՝ վերադառնա իրենց նախկին դիրքերը և դադարեցնել ոչ սահմանագծված սահմանի ռազմական ամրացումը և ականների տեղադրումը։ ԱՄՆ Պետդեպարտամենտի հայտարարության մեջ մասնավորապես ասվում է․
«ԱՄՆ-ն անհանգստացած է Հայաստանի և Ադրբեջանի միջև միջազգային սահմանի երկայնքով վերջին զարգացումներով, այդ թվում `ադրբեջանական ուժերի կողմից մի քանի հայ զինծառայողների կալանավորմամբ: Մենք երկու կողմերին էլ կոչ ենք անում շտապ և խաղաղ կարգավորել այս միջադեպը: Մենք նաև շարունակում ենք կոչ անել Ադրբեջանին անհապաղ ազատ արձակել բոլոր ռազմագերիներին և այլ ձերբակալվածներին, և հիշեցնում ենք Ադրբեջանին միջազգային մարդասիրական օրենսդրությամբ ստանձնած պարտավորությունների մասին ՝ բոլոր կալանավորվածների հանդեպ մարդասիրական վերաբերմունք ցուցաբերելուն:
ԱՄՆ-ը սադրիչ և ավելորդ է համարում ցանկացած տեղաշարժ Հայաստանի և Ադրբեջանի միջև սահմանի ոչ սահմանազատված տարածքներում: Մենք մերժում ենք ուժի օգտագործումը սահմանը սահմանազատելու համար և կոչ ենք անում երկու կողմերին վերադառնալ իրենց նախկին դիրքերը և դադարեցնել ոչ սահմանագծված սահմանի ռազմական ամրացումը և ականների տեղադրումը: Մասնավորապես, մենք կոչ ենք անում Ադրբեջանին իր ուժերը տեղափոխել մինչեւ մայիսի 11-ի իրենց դիրքերը: Մենք նաև կոչ ենք անում Հայաստանին իր ուժերը հետ քաշել մինչեւ մայիսի 11-ի դիրքերը, և ողջունում ենք այդ մտադրության մասին հայտարարությունները:Այս գործողությունները կապաէսկալացնեն լարվածությունը և տարածք կստեղծեն խաղաղ բանակցային գործընթացի համար ՝ սահմանը հրատապ սահմանազատելու համար: Միացյալ Նահանգները պատրաստ է աջակցել այդ ջանքերին:
Միացյալ Նահանգները կոչ է անում կողմերին հնարավորինս շուտ վերադառնալ առարկայական բանակցությունների ԵԱՀԿ Մինսկի խմբի համանախագահների հովանու ներքո `Լեռնային Ղարաբաղի հակամարտության երկարաժամկետ քաղաքական կարգավորմանը հասնելու համար»,- ասված է Պետդեպարտամենտի տարածած հայտարարության մեջ:
