18.12.2025 | 20:56
Ոստիկանները պիտի կարգ պահեին, բայց ամբողջությամբ թերացել են․ Գեղամ Մանուկյան. ՏԵՍԱՆՅՈՒԹ
Ալիևը համոզված է՝ Նիկոլը չի հաղթելու, օգտվելով նրա թուլությունից՝ փորձում է կորզել հնարավորը․ ՏԵՍԱՆՅՈՒԹ
Քաղաքականություն
27.05.2021 | 22:30
Գերիների հարցով այստեղ կա քաղաքական և հոգեբանական խնդիր: Քաղաքականն այն է, որ Ալիևը համոզված է՝ Նիկոլը չի հաղթելու այս ընտրություններում, և օգտվելով նրա թուլությունից՝ փորձում է որքան հնարավոր է շատ բան կորզել նրանից: Հոգեբանականն արդեն 30 տարի Ադրբեջանի նվաստացած վիճակն էր: Այս մասին այսօր Պետրոս Ղազարյանի հետ հարցազրույցի ժամանակ ասաց ՀՀ առաջին նախագահ Լևոն Տեր-Պետրոսյանը:
«Պարտությունը ծանր բեռ է, մենք նոր ենք պարտվել և դուք զգում եք, թե ինչպիսի հոգեբանական վիճակ է տիրում: 30 տարի, փաստորեն, նրանք պարտված էին ու ծանր հոգեբանական վիճակում են եղել, նույն բանը, ինչը հայ ժողովուրդն այսօր պահանջում է Նիկոլից՝ պարված վիճակում, Ադրբեջանի ժողովուրդը տարիներ շարունակ պահանջում էր Ալիևից:
Հաղթանակից հետո չեմ հասկանում, թե Ադրբեջանն ինչու է այսպիսի գործողությունների գնում: Հաղթող կողմը, սովորաբար, լինում է մեծահոգի, հաղթող կողմըը չի ատում պարտվածին, պարտվածն է ատում հաղթողին. սա պիտի աներ Ալիևը, չարեց»,- ասաց Տեր-Պետրոսյանը:
Առաջին նախագահը հիշեցրեց, որ Արցախյան առաջին պատերազմում մեր հաղթանակից հետո, երբ երկու կողմն էլ գերիներ ունեին՝ 20-25 հոգի, նա միակողմանի որոշել էր, որ Ադրբեջանի գերիներին պետք է վերադարձնի. «Իմ կողքին Վազգեն Սարգսյանն էր, Սերժ Սարգսյանն էր, ասացին՝ բա որ իրենք չտան, ասացի՝ հանգիստ մնացեք, ես Հեյդար Ալիևին գիտեմ: Նույն օդանավով մեր գերիները վերադարձան»:
Մանրամասները՝ տեսանյութում:
