18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Վրաստանում թուրքական ընկերության կողմից կառուցվող ՀԷԿ-ի ընդդիմադիրներին սպառնում է քրեական պատասխանատվություն
Քաղաքականություն
27.05.2021 | 21:52
«Ռիոնի կիրճի պաշտպաններ» շարժման ակտիվիստները կարող են ենթարկվել քրեական պատասխանատվության։ Վրաստանի ՆԳՆ-ն հետաքննություն է սկսել Վրաստանի արևմտյան Ցխալտուբսկու մունիցիպալիտետի Գումաթի գյուղում ուրիշի գույքը վնասելու կամ ոչնչացնելու փաստով, գրում է Sputnik Georgia-ն:
Թուրքական ընկերության կողմից կառուցվող Նամախվանի հիդրոէլեկտրակայանի կառուցման հակառակորդները, որոնք վերադարձել են Թբիլիսիում տեղի ունեցած բողոքի ակցիայից, Գումաթի գյուղում բախվել են մետաղական արգելապատնեշների: Ոստիկանությունը դրանք տեղադրել է երեքշաբթի: Շարժման ակտիվիստները փորձել են հեռացնել դրանք։ Վրաստանի ՆԳՆ հայտարարության համաձայն՝ ոստիկանության կողմից Գումաթիի մոտակայքում անվտանգության ապահովման համար տեղադրված երկաթե պատնեշները վնասվել են:
Հիշեցնենք՝ Նամախվանի հիդրոէլեկտրակայանի կառուցումը հետաձգվում է 2009 թվականից՝ տեղի բնակչության ցույցերի, ինչպես նաև շրջակա միջավայրի վրա ազդեցության ռիսկերի պատճառով։ ՀԵԿ-ի կառուցումը, որի նախագծային հզորությունը կազմում է 460 մվտ, սկսվել է 2020 թվականի ամռանը: Այն կառուցում է թուրքական ENKA Insaat ve Sanayi A.S. ընկերությունը, իսկ ներդրումների ծավալը կազմում է 800 միլիոն դոլար։
Տաթև Ֆռանգյան
