15.06.2026 | 18:41
Հայաստանից Ուկրաինա արտահանված որևէ բեռ չի վերադարձվել. ՍԱՏՄ
Առողջապահության նախարարությունը խորը և համապարփակ մտնում է քաղաքացիների գրպանը
Հասարակություն
21.02.2018 | 19:15
Մարտի 1-ից ուժի մեջ է մտնում առողջապահության ոլորտում կառավարության նոր որոշումը, որի համաձայն, մարտի 1-ից հակաբիոտիկները, հորմոնալ դեղամիջոցները և կոդեին պարունակող դեղամիջոցները, հուլիսի 1-ից՝ բոլոր ներարկվող դեղերը, հոկտեմբերի 1-ից՝ նախարարության ցուցակում ներառված դեղերը պետք է բաց թողնվեն միայն դեղատոմսով:
Առողջապահության նախարարությունը պնդում է, թե սա բժշկության քաղաքակիրթ տարբերակ է, կվերանա կոռուպցիան, բժիշկը պատասխանատվության զգացում կունենա, քաղաքացին էլ կսովորի հետևել առողջությանը: Սակայն այս որոշումը պարունակում է մի շարք վտանգներ, որոնք կապված են քաղաքացիներին ամենաչնչին խնդրի դեպքում անգամ քաշքշուկի մեջ գցելու, ֆինանսական նոր բեռի տակ դնելու և այլնի հետ:
Ինչո՞ւ է կառավարությունը հիմա գործի անցել: Հայաստանի պետական բյուջեն կիսադատարկ է, բժշկի աշխատավարձը բարձրացնելու գումար կառավարությունը չունի և հերթական անգամ փորձ է արվում քամել քաղաքացուն, որը թե՛ սննդից, թե՛ էկոլոգիայից, թե՛ մշտական սթրեսներից, դեղի ու հիվանդանոցի կարիք առավել հաճախ է սկսել ունենալ:
Անշուշտ՝ բացառապես դեղատոմսով դեղ բաց թողնելու համակարգը կա շատ երկրներում, սակայն այնտեղ, որտեղ կա առողջապահության պարտադիր ապահովագրման համակարգ:
Թեմայի մասին առավել մանրամասն՝ տեսանյութում:
Սևակ Հակոբյան
