17.09.2026 | 10:00
Ազգային ժողովի նիստը՝ ՈՒՂԻՂ
Տեղի է ունեցել մեր զինծառայողների առևանգում ՀՀ տարածքից. Փաշինյանը՝ նոր 6 գերիների մասին
Քաղաքականություն
27.05.2021 | 11:34
Հայ-ադրբեջանական սահմանին առավոտյան միջադեպ է գրանցվել: Կառավարության այսօրվա նիստի մեկնարկին այս մասին նշեց ՀՀ վարչապետի պաշտոնակատար Նիկոլ Փաշինյանը:
«ՀՀ Զինված ուժերի վեց զինծառայող ՀՀ ինքնիշխան տարածքում իրականացնելիս են եղել սահմանի կահավորման աշխատանքներ, իրականացվել են ականապատման աշխատանքներ, ընդ որում, ուզում եմ հատուկ ընդգծել, որ այդ աշխատանքներն իրականացվել են՝ զուգորդվելով զգուշացնող նշանների տեղադրմամբ»,- ասաց Փաշինյանը: Նա նշեց, թե այս գործողություններն իրականացվել են ոչ թե դիվերսիոն նպատակներով, այլ մեր սահմանի պաշտպանության մակարդակը բարձրացնելու նպատակով:
«Մեր զինվորները գերեվարվել են, գերեվարման հանգամանքները պետք է պարզվի, բայց մի բան հստակ է՝ դա գերեվարություն չէ, տեղի է ունեցել մեր զինվորների առևանգում ՀՀ տարածքից»,- նշեց վարչապետի պաշտոնակատարը՝ ընդգծելով, որ տեղի ունեցող գործընթացները բացարձակապես անընդունելի են Հայաստանի համար:
«Այդ կարգի միջադեպերը տեղի են ունենում այն պատճառով, որ ոմանք ուզում են այնպես անել, որ մենք համակերպվենք մեր տարածքում ադրբեջանական ուժերի ներկայության հետ, ինչը տեղի ունենալ չի կարող:
Շատ կարևոր եմ համարում այդ դեպքի առիթով նույնպես ընդգծել, որ հարցը ամենևին չպետք է օգտագործվի ներքաղաքական նպատակներով, սա կարևոր եմ համարում, կարծում եմ, որ պետք է դատապարտել այս իրավիճակը բանակի ու Զինված ուժերի դեմ օգտագործելու բոլոր փորձերը, որովհետև զինվորները, բանակը կատարում են ՀՀ սահմանները պահպանելու իրենց գործառույթը»,- նշեց Փաշինյանը:
Նրա խոսքով՝ սա ամենևին սովորական իրադրություն չէ, Հայաստանի տարածքային ամբողջականությանը, ինքնիշխանությանը սպառնացող ուղղակի վտանգ է, որը միջազգային իրավունքի կոպտագույն խախտում է, և սա այն պարագան է, երբ Հայաստանը պետք է օգտագործի բոլոր, այդ թվում միջազգային լծակները՝ իրադրությունը շտկելու համար»:
Մանրամասները՝ տեսանյութում:
