Տեռորիստական պետության հե՞տ ենք ուզում դեմարկացիա ու դելիմիտացիա անել․ Արման Աբովյան. ՏԵՍԱՆՅՈՒԹ

Ադրբեջանը տեռորիստական պետություն է, Ադրբեջանը ագրեսոր է… Ադրբեջանը հայատյացությունը դարձրել է պետական գաղափարախսություն… Հիմա հարց՝ մենք տեռորիստական պետության  հետ դեմարկացիա և դելիմիտացիա ենք փորձում անե՞լ: Մենք փորձում ենք անե՞լ ինչ-որ գործընթացներ և անունը դնում ենք՝ եթե չանենք,  տեռրոիստական պետության տեռորիստները, որոնք մտել են ՀՀ տարածք, ուրեմն դուրս չեն գա՞: Այս մասին այսօր ԱԺ-ում իր ելույթի ժամանակ ասաց ԲՀԿ պատգամավոր Արման Աբովյանը:

«Կարծում եմ՝ ինձ հետ ոչ ոք չի վիճի, բայց ո՞նց ենք իրենց հետ առհասարակ ինչ-որ բանակցային գործընթացներ սկսում: Իսկ միգուցե ավելի արդյունավետ է Ադրբեջանի տեռորիստական կեցվածքի վրա դնենք մեր բոլոր ջանքերը: Միգուցե այն պատգամավորները, որոնք հայտարարում են, թե Հայաստանում ադրբեջանական տարածք կա, մի հատ ուշադիր քարտեզն ուսումնասիրեն ու տեսնեն, որ Հայաստանում չկա ադբեջանական տարածք, հակառակը՝ Ադրեբջանի կեսը հայկական տարածք է»,- նշեց Աբովյանը:

Աբովյանը նշեց, որ Ադրբեջանի ԶՈՒ-ն ՀՀ տարածք է մտնում ու դիրքավորվում, որովհետև երբեք չի թաքցրել այն ցանկությունը, որ ՀՀ-ն ոչնչացված են ուզում տեսնել: «Ասում են՝ ողջ ՀՀ-ն Ադրբեջանի տարածք է և իրենք վերադառնալու են, գլուխները պատով են տալու:

Ես կոչ եմ անում բոլոր թևերին, որ ուշադիր լինեն հանրային հայտարարություններին: Չկա և չի կարող ՀՀ-ում լինել գեթ մեկ միլիմետր հող, որը հայկական չէ»:

Մանրամասները՝ տեսանյութում։