17.09.2026 | 11:25
Մեզ համար ավելի լավա պարտվել ոչ դաշնակցական ուժի, քան հաղթել դաշնակցական ուժին. Եղոյան․ ՏԵՍԱՆՅՈՒԹ
Պատերազմին մի քանի տասնյակ մեքենաներ վնասվել են․ դրանք եղել են շատերի համար եկամտի աղբյուր․ Հովսեփյան. ՏԵՍԱՆՅՈՒԹ
Քաղաքականություն
25.05.2021 | 17:20
«Այսօր շատերն ունենալով փոքրահասակ երեխաներ, չեն կարողանում իրենց օրվա հացը վաստակել, քանի որ, իրենց, օրինակ, «Կամ ԱԶ» մակնիշի մեքենան, որով ընտանիք էին պահում, պատերազմի հետևանքով այսօր չկա, իսկ կառավարության համապատասխան որոշումն ուշանում է»,- ԱԺ հայտարարությունների ժամին այս մասին նշեց Սոֆիա Հովսեփյանը՝ անդրադառնալով պատերազմի ժամանակ քաղաքացիական անձանց վնասված ավտոմեքենաների փոխհատուցման խնդրին:
Հովսեփյանի խոսքով՝ մի քանի տասնյակ մեքենա պատերազմի ժամանակ վնասվել են, իսկ դրանք շատերի համար եղել են օրվա հացի վաստակի միակ աղբյուրը և «Աստված գիտի, թե երբ է ձևավորվելու խնդրի լուծման համար նախատեսվող միջգերատեսչական հանձնաժողովը»:
Պատգամավորը հայտնեց, որ ամեն օր մարզերից ստանում է զանգեր պատերազմի ժամանակ անձանց գույքի օգտագործման և վնասի փոխհատուցման վերաբերյալ: «Վերջին անգամ գործադիրից պատասխան նամակը ստացել եմ մեկ ամիս առաջ: Իմ հորդորով ՊՆ-ին դիմած քաղաքացուն մեկ շաբաթ առաջ էլ նույնաբովանդակ պատասխան է տրվել, թե պետք է վարչապետի որոշմամբ միջգերատեսչական հանձնաժողով ստեղծվի»,- նշեց պատգամավորը և ՊՆ աշխատակիցներին կոչ արեց գործել արագ:
Մանրամասները՝ տեսանյութում:
