27.04.2026 | 15:21
Բաքվից արձագանքել են Մայր Աթոռին ու ընդունել՝ քանդել են Ստեփանակերտի հայկական եկեղեցիները
Լեհաստանի ԱԳՆ-ից հայտնել են, որ Nexta ալիքի հիմնադրին ծեծի են ենթարկել Բելառուսի բանտում
Քաղաքականություն
25.05.2021 | 18:03
Լեհաստանի փոխարտգործնախարար Պավել Յաբլոնսկին պնդում է, որ Բելառուսում ծայրահեղական ճանաչված Nexta Telegram ալիքի հիմնադիր Ռոման Պրոտասևիչը ծեծի է ենթարկվել բանտում, գրում է ՌԻԱ Նովոստին:
Երկուշաբթի երեկոյան «Բելառուս 1» հեռուստաալիքի եթերում ցուցադրված տեսանյութում Պրոտասևիչն ասել է, որ ինքը առողջական խնդիրներ չունի, իսկ անվտանգության աշխատակիցների վերաբերմունքը նրա նկատմամբ առավելագույնս կոռեկտ է և համապատասխանում է օրենքին: Նա հայտնել է, որ խոստովանական ցուցմունք է տալիս անկարգությունների վերաբերյալ քրեական գործով:
«Տեսանյութում երևում է, որ նրա նկատմամբ բռնություն է կիրառվել, երևում են բռնության հետքեր։ Երևում է, որ նրա նկատմամբ խախտվել են մարդու իրավունքները»,-ասել է Յաբլոնսկին լեհական ռադիոյի եթերում։
Նա նաև հայտնել է, որ Լեհաստանի արտաքին քաղաքականության գերատեսչությունը կապ է հաստատել Պրոտասևիչի հարազատների հետ։
Տաթև Ֆռանգյան
