Դո՞ւք եք որոշում՝ մենք ՀՀ-ում ապրելու ենք, թե՝ չէ․ Վարդանյանը պնդում է՝ մանիպուլյացիայի զոհ է դարձել. ՏԵՍԱՆՅՈՒԹ

Լուրեր

19.11.2024 | 10:29
Նավթի գներն աճել են
19.11.2024 | 10:14
Արտարժույթների փոխարժեքները՝ նոյեմբերի 19-ի դրությամբ
19.11.2024 | 09:59
«Արցախի Հանրապետությունից բռնի տեղահանված անձանց իրավունքներն ու սոցիալական ներառումը». ՈՒՂԻՂ
19.11.2024 | 09:58
Երևանի ավագանու նիստը՝ ՈՒՂԻՂ
19.11.2024 | 09:49
ՃՏՊ Երևան-Երասխ ավտոճանապարհին․ կա տուժած
19.11.2024 | 09:35
Սևան քաղաքում ձյուն է տեղում
18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
18.11.2024 | 23:30
Ռուսաստանի հավաքականը հնարավոր է չմասնակցի առաջիկա ԱԱ-ին
18.11.2024 | 23:26
Արդարադատության միջազգային դատարանը մեկ տարի ժամանակ է տվել Բաքվին և Երևանին
18.11.2024 | 23:11
Քանի դեռ ընտրությունները չեն անցկացվել, ոչ մի նոր բան չի կարող լինել՝ ոչ խորհրդարան, ոչ կառավարություն, ոչ նախագահական ընտրություններ․ Զուրաբիշվիլի 
18.11.2024 | 22:55
Ֆինլանդիայի ռազմածովային ուժերը խոշոր զորավարժություններ են անցկացնում Բալթիկ ծովում ՆԱՏՕ-ի մասնակցությամբ
18.11.2024 | 22:43
Երևանում և 6 մարզում՝ էլեկտրաէներգիայի ժամանակավոր անջատումներ
18.11.2024 | 22:30
Ադրբեջանի նավթագազային եկամուտները կնվազեն ավելի քան 441 մլն դոլարով․ ֆինանսների նախարար
18.11.2024 | 22:22
Բաքվում COP29-ի ընթացքում աշխատակիցներից մեկը բողոքի ակցիա է իրականացրել աշխատավարձի չվճարման համար
18.11.2024 | 22:17
«Nissan»-ը բախվել է էլեկտրական սյանը․ սյունը շրջվել է և միակողմանի փակել ավտոճանապարհը
Բոլորը

Ի՞նչ է պետության ինքնիշխան տարածքը: Այն է՝ պետության պետական սահմանի տրամագծի ներքո գտնվող ցամաքային, ջրային տարածքը, պետության սահմանի ներքո ընդգրկված օդային տարածքը և ընդերքը: Այդ մասին ԱԺ ամբիոնից ասաց «Իմ քայլը» խմբակցության անդամ Վլադիմիր Վարդանյանը:

Նրա խոսքով՝ այդ տարածքը և յուրաքանչյուր քաղաքացու ամբողջությամբ պաշտպանում է ՀՀ բանակը: «Սա ասում եմ, քանի որ իմ ելույթը վերածվեց մանիպուլյատիվ ելույթի, կտրվեց կոնտեքստից, ասվեց, որ Վարդանյանն ասել է, որ ՀՀ-ն ամայի տարածք չի պաշտպանում… Այո՛, մեր բանակը պաշտպանում է նաև մեր ժողովրդին: Ինչո՞ւ եմ ասել և դարձել մանիպուլյացիայի զոհ, քանի որ  համարձակվեցի որոշ քաղաքական ուժերի անվանել 5-րդ շարասյուն:

«Դեռևս 14 տարեկանում ես ինձ խոստացել եմ, որ իմ ոտքը չի մտնելու Թուրքիայի վերահսկողության ներքո գտնվող տարածք, հավատարիմ եմ իմ խոստմանը՝ ի տարբերություն որոշ քաղաքական ցուցակներում ընդգրկված որոշ «քաղաքական գործիչների», որոնք նոր են վերադարձել Անթալիայի «պլյաժներից», կամ նրանց, որոնք չեն էլ ուզում վերադառնալ այնտեղից: Ես երբեք չեմ խոսել Հայոց ցեղասպանությունը վիճարկող պատմաբանների հանձնաժողովի մասին, երբեք հայ-թուրքական արձանագրություններ չեմ ստորագրել և երբեք չեմ դիտարկել դրանք որպես մեր երկրի համար լավագույն ճանապարհը: Ես ՀՀ ֆուտբոլի ֆեդերացիայի տարբերանշանից չեմ վերացրել Արարատ լեռան պատկերը Հայաստան-Թուրքիա խաղից առաջ, ես երբեք իսլամական դավանաբանական վարկեր տրամադրող ընկերությունից վարկեր չեմ վերցրել, երբեք չեմ փոշիացրել վարկային միջոցները՝ բեռ ստեղծելով ապագա սերունդների համար»,- նշեց պատգամավորը:

«Այսօր մարդիկ կան, որ ինձ ձեռնոց են նետում և հայտարարում են, որ ես իրավունք չունեմ ապրելու ՀՀ-ում… Դո՞ւք եք որոշում՝ մենք ՀՀ-ում ապրելու ենք, թե՝ չէ: Դուք եք որոշելո՞ւ՝ ժողովուրդն ինչ է ընտրելու կամ ինչպես»,- նշեց Վարդանյանը:

Նա հավելեց, որ ցավում է, որ այսպիսի մանիպուլյատիվ եղանակներով են մոտենում նախընտրական քարոզարշավին: «Ցավում եմ, որ ՀՀ ինքնիշխան տարածքում թշնամական ուժեր են հայտնվել, և մարդիկ կան, որոնք միավորվելու և միասին նրանց հեռացնելու փոխարեն ասում են՝ չէ՛, մենք կգանք, կդզենք, կանգնեք կողքներիս և դզեք, սա մեր բոլորի՝ ՀՀ բանակն է…

Եվ վերջում՝ ես հանգիստ կարող եմ զբոսնել Երևանով, կանգնել այս ամբիոնին: Կոչ եմ անում լինել կառուցողական, հարգել ՀՀ Սահմանադրությունը, քաղաքացուն, վերջ տալ ցանկացած տեսակի սաբոտաժներին, դիվերսիաներին, կենտրոնանալ ընտրական պայքարի վրա: Իսպանացիք կասեն՝ «Նո պասարան», իմաստը չեմ բացատրի, սկսեք գիրք կարդալ»,- ընդգծեց պատգամավորը:

Մանրամասները՝ տեսանյութում: