29.04.2026 | 23:40
Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը
ՀՀ բարձրագույն կրթական ոլորտը ստանում է այնքան ֆինանսավորում, որքան ամերիկյան առաջատար բուհերից մեկի ֆակուլտետը. Լևոն Մկրտչյան
Հասարակություն
21.02.2018 | 12:03
Ազգային ժողովում մեկնարկել են «Բարձրագույն կրթության ոլորտում օրենսդրական բարեփոխումներ» թեմայով խորհրդարանական լսումները:
Հիմնական զեկուցող, Կրթության և գիտության նախարար Լևոն Մկրտչյանը ԱԺ ամբիոնից հայտարարեց՝ համակարգային փոփոխություններ ենթադրող նախագիծ է ներկայացվել Ազգային ժողովի քննարկմանը:
Նախարարի փոխանցմամբ՝ ՀՀ բնակչության մոտավորապես 51 տոկոսը ներգրավված է բարձրագույն կրթական համակարգում: «Եվրոպական չափանիշի ներքևի սանդղակում ենք , բայց մեր երկրի համեմատ նորմալ իրավիճակ է: Բարձրագույն կրթական համակարգը, եթե հաշվի առնենք ֆինանսական ռեսուրսները՝ պետությունից, մասնավոր վճարներից, դրամաշնորհներից և այլն, ապա կարող ենք ասել, որ ՀՀ բարձրագույն կրթական ոլորտը տարվա ընթացքում ստանում է այնքան ֆինանսավորում, որքան, ասենք, ամերիկյան առաջատար բուհերից մեկի ֆակուլտետը»,- շարունակեց նախարարը:
Ըստ Լևոն Մկրտչյանի՝ այս համեմատության մեջ Հայաստանի կրթական համակարգը կատարում է իր առջև դրված խնդիրը՝ պահպանելով բարձրագույն կրթության հիմնական ուղենիշները:
Նախարարը մանրամասն ներկայացրեց, թե ինչ աշխատանք է կատարվել օրենքի նախագծի վրա աշխատելու փուլում:
