27.11.2024 | 22:27
Հայաստանի մի շարք հասցեներում էլեկտրաէներգիայի անջատումներ կլինեն
Հունաստանում անտառային հրդեհների պատճառով գյուղերից տարհանում են մարդկանց
Քաղաքականություն
20.05.2021 | 17:50
Հարավային Հունաստանի Կորնթոսի շրջանում բռնկված զանգվածային անտառային հրդեհների պատճառով իշխանությունները տարհանել են վեց գյուղի բնակչությանը, հայտնում է Reuters- ը:
Այսպես՝ իշխանությունները որպես կանխարգելիչ միջոց հրամայել են տարհանել Գերանեա լեռներում վեց գյուղ և երկու մենաստան։ Այս մասին հայտնել է երկրի հրշեջ ծառայության խոսնակը:
«Մոտ 300 մարդ տարհանվել է», – գործակալությանը հայտնել է ոստիկանության խոսնակ Թեոդորոս Քրոնոպուլոսը:
Նշվում է, որ հրդեհները մարվում են բազմաթիվ բեռնատարների ու 21 ինքնաթիռի օգնությամբ:
Հրդեհները բռնկվել են չորեքշաբթի երեկոյան Պելոպոննեսի ծովափնյա փոքրիկ հանգստավայրում ՝ մայրաքաղաք Աթենքից մոտ 90 կմ հեռավորության վրա: Զոհերի կամ վիրավորների մասին տեղեկություններ չեն հաղորդվում:
Չկան նաև պաշտոնական տվյալներ տներին հասցված վնասների մասին, որոնց մեծ մասը հանգստյան տներ են և այս ժամանակշրջանում բնակեցված չեն:
Տաթև Ֆռանգյան
