17.09.2026 | 10:29
Արտարժույթների փոխարժեքները՝ սեպտեմբերի 17-ի դրությամբ
Հայաստանին տրամադրվող մարդասիրական օգնությունը 8,2%-ով ավելացել է․ առաջատարներն են ԱՄՆ-ն ու Չինաստանը
Քաղաքականություն
12.05.2021 | 22:51
Այս տարվա առաջին երեք ամիսներին Հայաստանին տրամադրված մարդասիրական օգնության ծավալներն ավելացել են շուրջ 8,2%-ով։ Այս մասին տեղեկանում ենք Պետական վիճակագրական ծառայության հրապարակած տվյալներից։
8․5 անգամ ավելացել է բուսական ծագման արտադրանքի տեսքով մարդասիրական օգնությունը, 8․1 անգամ՝ պատրաստի սննդի, 5․9 անգամ՝ պլաստմասսե և դրանից պատրաստված իրերի (կաուչուկ և ռետինե իրեր) տեսքով օգնությունը։
ԵՄ երկրների կողմից տրամադրված մարդասիրական օգնությունը նվազել է 19,7%-ով, փոխարենը 90,1%-ով ավելացել է ԱՄՆ-ի կողմից տրամադրվող օգնությունը, 21․9 անգամ՝ Իսպանիայի, 29․2 անգամ՝ Նիդերլանդների, 27․1 անգամ՝ Չեխիայի, 3․1 անգամ՝ Ֆրանսիայի կողմից տրամադրվող օգնությունը։ Գրեթե կրկնապատկվել է Չինաստանի կողմից տրամադրվող մարդասիրական օգնությունը։
Հայաստանին Ռուսաստանի կողմից տրամադրվող մարդասիրական օգնության վերաբերյալ Վիճակագրական կոմիտեն տվյալներ չի հրապարակել։
