09.06.2026 | 12:07
Ադրբեջանի տարածքով ՌԴ-ից Հայաստան պարարտանյութ և անտրացիտ կուղարկվի
Ռուսական արվեստի թանգարանում բացվել է «Գեղանկարչությունը բեմում» խորագրով ցուցահանդեսը
Մշակույթ
11.05.2021 | 17:32
Ռուսական արվեստի թանգարանը (պրոֆ. Ա. Աբրահամյանի հավաքածու) Ա. Բախրուշինի անվան պետական կենտրոնական թատերական թանգարանի հետ իրականացնում է «Գեղանկարչությունը բեմում» խորագրով ցուցահանդեսը. տեղեկացնում են ԿԳՄՍՆ-ից:
Ցուցահանդեսին ներկայացված է Արամ Աբրահամյանի հավաքածուում տեղ գտած տասներեք թատերական էսքիզ: Ցուցադրվող ութ հեղինակները 19-րդ դարավերջի- 20-րդ դարասկզբի հայտնի ռուս նկարիչներ են՝ Ա. Բենուա, Ն. Բենուա, Ա. Գոլովին, Ն. Ռերիխ, Ս. Սուդեյկին, Ն. Սապունով, Վ. Շուխաև, Վ. Շուխաևա: Գրաֆիկայի, բնանկարի, դիմանկարի և նատյուրմորտի վարպետները նաև թատրոնի տաղանդավոր նկարիչներ էին, որոնք թատերական և դեկորատիվ արվեստը նոր մակարդակի են բարձրացրել: Ցուցադրության գիտատեղեկատու հատվածում լայնորեն օգտագործվել են գրական նյութեր՝ գեղանկարիչների ինքնակենսագրական գրառումներից և օրագրերից:
Ա. Բախրուշինի անվան պետական կենտրոնական թատերական թանգարանի տրամադրած փաստավավերագրական նյութերն առավել խորն են բացահայտում վերը նշված դարաշրջանի թատերարվեստը:
Նշենք, որ «Գեղանկարչությունը բեմում» խորագրով ցուցահանդեսը բացվել է ապրիլի 16-ին և կգործի մինչև հունիսի 5-ը:
