29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Երևանի ավագանու նիստի ընթացքում տեղի ունեցած ծեծկռտուքի առնչությամբ քրգործ է հարուցվել
Հասարակություն
19.02.2018 | 10:33
Երևանի ավագանու նիստում տեղի ունեցած միջադեպի առթիվ հարուցվել է քրեական գործ։ Այս մասին տեղեկացրին ՀՀ գլխավոր դատախազությունից:
Երևանի ավագանու փետրվարի 13-ի նիստում «Երկիր Ծիրանի» խմբակցության անդամները իրենց հետ Նուբարաշենից տարաներով կոյուղաջուր էին բերել, որը ցանկանում էին մոտեցնել Տարոն Մարգարյանին: Վերջինիս «դեմն առեք» հրահանգից հետո նրա կուսակիցների և «Երկիր Ծիրանիի» անդամների միջև սկսվեց քաշքշոց, որը վերածվեց ծեծկռտուքի:
Միջադեպից հետո «Երկիր ծիրանի» կուսակցությունը հայտարարեց, որ դիմել է ՀՀ գլխավոր դատախազ Արթուր Դավթյանին, ՀՔԾ պետ Վահրամ Շահինյանին, ոստիկանապետ Վլադիմիր Գասպարյանին, ՄԻՊ Արման Թաթոյանին և ներկայացրել է «հաղորդում հանցագործության մասին»։
Դրանով առաջարկել է քրեական գործ հարուցել Երևանի ավագանու նիստի ժամանակ տեղի ունեցած միջադեպի կապակցությամբ։ Մ.Խաչատրյանը հայտարարել է, որ միջադեպի ժամանակ ոչ միայն ֆիզիական բռնություն, այլ նաեւ սեռական բնույթի ոտնձգություն է կատարվել իր նկատմամբ։
Միջադեպի վերաբերյալ ոստիկանություն հաղորդում են ներկայացրել նաեւ քաղաքապետարանի աշխատակիցներ եւ նախապատրաստված նյութերով փետրվարի 16-ին հարուցվել է քրեական գործ՝ խուլիգանության եւ ծեծի հատկանիշներով՝ նախատեսված ՀՀ քրեական օրենսգրքի 258-րդ և 118-րդ հոդվածներով։
