08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
ԵՄ-ի հարաբերություններն ԱՄՆ-ի հետ բարելավվում են, ՌԴ-ի հետ՝ վատթարանում․ Բորել
Քաղաքականություն
10.05.2021 | 14:00
Եվրամիության հարաբերություններն ԱՄՆ-ի հետ բարելավվում են, մինչև Ռուսաստանի հետ՝ վատթարանում։ Բրյուսելում ԵՄ անդամ պետությունների ԱԳ նախարարների գագաթնաժողովին ընդառաջ այս մասին հայտարարել է ԵՄ դիվանագիտության ղեկավար Ժոզեպ Բորելը, հաղորդում է ՏԱՍՍ-ը։
«ԱՄՆ-ի հետ մեր հարաբերությունները փոխվում են, հիմա մենք ուժեղ գործընկերություն ունենք։ Դա հատկապես հասկանալի դարձավ G7-ի գագաթնաժողովից հետո։ Մենք նիստի ընթացքում կքննարկենք նաև ՌԴ-ին, որի հետ, հակառակը, հարաբերությունները չեն բարելավվում»,- ասել է նա։
ԵՄ Խորհուրդն այսօր ԱԳ նախարարների մակարդակով Բրյուսելում նիստ է անցկացնելու, որի ընթացքում քննարկվելու են ԱՄՆ-ի և ՌԴ-ի հետ հարաբերությունները, Արևմտյան Բալկանների երկրներին օգնության ցուցաբերումը, Աֆղանստանում տիրող իրադրությունն ու իրանական միջուկային գործարքի շուրջ իրավիճակը։ ԵՄ ԱԳ նախարարները Ռուսաստանի դեմ նոր պատժամիջոցների կամ նոր դիվանագիտական քայլերի շուրջ որոշումներ չեն ծրագրում։
