31.07.2026 | 23:31
ՀԾԿՀ նախագահը այցելել է «Երևանի ՋԷԿ». քննարկվել են էներգաբլոկի ներկայիս հնարավորությունները
Չինական Sinopharm պատվաստանյութը ճանաչվել է ԱՀԿ-ի կողմից
Քաղաքականություն
08.05.2021 | 19:31
Առողջապահության համաշխարհային կազմակերպությունը չինական Sinopharm տեսակի պատվաստանյութի կիրառմանը ճանաչում է շնորհել: Այս մասին հայտարարություն է տարածել ԱՀԿ-ի ղեկավար Տեդրոս Ադանոմ Գեբրեիսուսը:
Կորոնավիրուսի դեմ պատվաստանյութն արտադրում է Պեկինի կենսաբանական ապրանքների ինստիտուտը, երկու ներարկման միջև պետք է անցած լինի 21-28 օր: Պատվաստանյութը պահվում է +2,+8 աստիճան ջերմաստիճանի ներքո: Տարբեր երկրներում արված հետազոտությունների հիման վրա Sinopharm/BBIBP-ի արդյունավետությունը 78.1 % է 18-59 տարիքային կատեգորիայի շրջաններում:
Aliq.ge-ի փոխանցմամբ՝ Վրաստանը Չինաստանից ապրիլի սկզբին ձեռք է բերել COVID-19-ի դեմ Սինոֆարմի պատվաստանյութի 100 000 չափաբաժին: Հաշվի առնելով, որ անհրաժեշտ է նաև երկրորդ չափաբաժնի ներարկում, ձեռք բերված պատվաստանյութով կպատվաստվի 50 000 քաղաքացի: Մինչև պատվաստման գործընթացի մեկնարկը Վրաստանի կառավարությունը հույս ուներ, որ Սինոֆարմը կճանաչվի ԱՀԿ-ի կողմից:
Վրաստանի քաղաքացիների համար Սինոֆարմով պատվաստման գրանցումը մեկնարկել է ապրիլի 27 -ին, պատվաստման գործընթացը՝ մայիսի 4-ին: Վերջին տվյալներով, երկրի մասշտաբով Սինոֆարմով պատվաստման համար գրանցվել է ավելի քան 25 700 քաղաքացի:
Վրաստանի կառավարությունը ծրագրում է ձեռք բերել հավելյալ 600 000 չափաբաժին Սինոֆարմ տեսակի պատվաստանյութ:
