08.11.2024 | 09:37
Լարսը փակ է բեռնատարների համար
Ֆրանսիացի ձկնորսները բողոքի ցույց են արել անգլոնորմանդական Ջերսի կղզու ջրերում
Քաղաքականություն
06.05.2021 | 21:20
Ֆրանսիացի ձկնորսները բողոքի ցույց են անցկացրել անգլոնորմանդական Ջերսի կղզու ջրերում՝ բողոքելով ձկնորսության այն պայմանների հետ, որոնք պարտադրում է Մեծ Բրիտանիան Brexit-ից հետո:
Այս շաբաթ ձկնորսության իրավունքի շուրջ քաշքշուքը սրվել է։ Ֆրանսիացի նախարարը հայտարարել է, որ ֆրանսիական էլեկտրաէներգիայի մատակարարումը Ջերսի կարող է կրճատվել, իսկ Բրիտանիան կղզի է ուղարկել երկու պարեկային նավ, գրում է France 24-ը: Ավելի ուշ պարեկային նավեր է ուղարկել նաև Ֆրանսիան։
Նավերի մի մասը երթևեկել է կղզու շուրջ, ևս մի քանիսն արգելափակել են դրա մայրաքաղաք Սենթ Հելիերի նավահանգիստը և խոչընդոտում են Commodore Goodwill բեռնատարի՝ ծով դուրս գալու փորձերը: Ավելի ուշ նավի ճանապարհը բացվել է։ Նորմանդիայի տարածաշրջանային ձկնորսության հանձնաժողովի ներկայացուցիչ Հյուգո Լեհուբին, որն օգնել է կազմակերպել այսօրվա բողոքի ցույցը, հայտարարել է, որ ֆրանսիական նավատորմը չի ձգտի խոչընդոտել նավերի մուտքը Ջերսիի նավահանգիստներ կամ դադարեցնի տեղի ձկնորսական նավերի աշխատանքը:
«Մեր նպատակն է արտահայտել մեր դժգոհությունները պարտադրված սահմանափակիչ միջոցառումների վերաբերյալ», – Reuters գործակալության հետ հեռախոսազրույցում ասել է Լեհուբին:
Տաթև Ֆռանգյան
