30.06.2026 | 17:28
ՌԴ և Կիպրոսի քաղաքացիություններից հրաժարվելու միակ պայմանը վարչապետ դառնա՞լն է. հարց` Կարապետյանին․ ՏԵՍԱՆՅՈՒԹ
Մեխիկոյում կամուրջ է փլուզվել․ կան տասնյակ զոհեր ու վիրավորներ
Քաղաքականություն
04.05.2021 | 12:24
Մեքսիկայի մայրաքաղաք Մեխիկոյում Olivos մետրոպլիտենի կայարանի մոտ կամուրջ է փլուզվել: Կամուրջը փլուզվել է հենց այն պահին, երբ այդտեղով անցնելիս է եղել գնացքը։ Առնվազն 20 մարդ զոհվել է, 70-ը՝ վիրավորվել. գրում է France 24-ը՝ հղում կատարելով Մեխիկոյի քաղաքապետ Կլաուդիա Շայնբաումին։
Տեղական Milenio TV հեռուստաալիքի հրապարակած տեսանյութում երևում է, թե ինչպես է մետրոյի վերգետնյա անցում-կամուրջը փլուզվում ներքևի ավտոճանապարհով անցնող ավտոմեքենաների վրա։
El Universal-ը գրում է՝ հաստատված է, որ փլուզումը տեղի է ունեցել մի պատահարից հետո, երբ ավտոմեքենա է բախվել կամուրջի հենասյուներից մեկին։ Գնացքի վագոնները կախվել են ներքև, իսկ դրանցում արգելափակված ուղևորներ են մնացել։
Այժմ դեպքի վայրում աշխատում են հրշեջներ, փրկարարներ, ոստիկաններ ու բժիշկներ։ Հիվանդանոցներ են տեղափոխվում տասնյակ տուժածներ։
Տաթև Ֆռանգյան
