25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Եթե նախկինները չմասնակցեին ընտրություններին, մենք կհաղթեինք. Մարուքյան. ՏԵՍԱՆՅՈՒԹ
Քաղաքականություն
03.05.2021 | 16:20
Նախկին իշխանությունները վերջին շրջանում իրենց գործողություներով և ընտրություններին իրենց մասնացությամբ ուժեղացնում են Նիկոլ Փաշինյանին։ Այս մասին այսօր խորհրդարանում լրագրողների հետ զրույցում նշեց ԱԺ «Լուսավոր Հայաստան» խմբակցության ղեկավար Էդմոն Մարուքյանը:
«Եթե նրանք մի կողմ քաշվեն, այս իշխանությունները կպարտվեն ընտրություններում, որովհետև Նիկոլ Փաշինյանն ունի 15% ընտրող, մնացած ընտրողները նրանք են, ովքեր չեն ցանկանում, որ նախկինները գան, և այս հատվածը ընտրելու է Նիկոլ Փաշինյանին, որ նախկինները չգան։ Ուստի եթե նախկինները չմասնակցեն այս ընտրություններին, մենք կհաղթենք այս ընտրություններում»,- կարծիք հայտնեց ԼՀԿ ղեկավարը։
Փաշինյանն ասում է՝ մենք գելխեղդներն ենք, գելերին խեղդելու ենք… Բայց սա միակ դեպքն է, որ գելխեղդները կամ գելխեղդը գելերին պաշտպանում է ժողովրդից, որովհետև եթե այս գելխեղդները չլինեին, ժողովուրդը վաղուց գելերի հարցը լուծած կլիներ… Ժողովուրդը սպասել է, որ երկրում տեղի ունենան ռեֆորմներ, որ չլինեն գելեր և գելխեղդների կարիք էլ չլինի, դա տեղի չիունեցել, և հիմա այս ընտրությունները շանս են, որ ժողովուրդը և՛ գելերին և գելխեղդներին փաթեթավորի իրար հետ, ուղարկի, տուն գնան:
Մանրամասները՝ տեսանյութում:
