31.10.2026 | 22:55
Հայտնաբերվել է զինծառայողի դի. ՊՆ
Էդ հանցագործներին ընդդիմություն մի՛ ասեք, մեղք է․ Արման Բաբաջանյան. ՏԵՍԱՆՅՈՒԹ
Քաղաքականություն
28.04.2021 | 12:37
ԱԺ արտահերթ նիստի օրակարգում երկու հարց՝ ՀՀ Քրեական օրենսգրքում փոփոխություններ կատարելու մասին փաթեթը և Հարկային օրենսգրքում փոփոխության նախագիծը:
«Կարող եմ հավաստիացնել և կարող եմ ձեզ հետ գրազ գալ, որ այս փոփոխություններն իրականացնելուց հետո այս խախտումները տեղ են գտնելու ընտրական գործընթացի ժամանակ»,- հայտարարեց ԱԺ անկախ պատգամավոր Արման Բաբաջանյանը:
«Մենք հիմա խելոք նստել ու մտածում ենք՝ էլ ինչ անենք, որ Քոչարյանին ու դրա մյուս դավաճան հանցակիցներին թույլ չտանք, որ ընտրությունների վրա կարողանան ազդեցություն գործել: Հեռու եմ այն մտքից, որ այս փոփոխություններով մեզ հաջողվելու է հիմնարար միջոցներ գտնել՝ ընտրություններն ազատ, արդար և թափանցիկ անցկացնելու համար:
Եվ հետո՝ մեղք է, ընդդիմություն մի՛ կոչեք այդ հանցագործներին: Ժամանակին եթե իրավաքաղաքական գնահատական տայիք այդ հանցագործներին, ամեն մարդ կիմանար, թե ով ինչ չափով է մասնակցել պետության բռնազավթմանը, և դատական իշխանությունը, որն այսօր էլ այս հանցագործությունների հնարավոր իրականացնողներին շարունակում է իր պաշտպանության և հովանավորության տակ պահել: Հույս չունենաք, որ իրավապահ համակարգի, դատական այս խայտառակ պայմաններում մենք ի վիճակի ենք լինելու լուծել մեր երկրի համար կենսական կարևոր այս հարցը»,- նշեց Բաբաջանյանը:
Մանրամասները՝ տեսանյութում:
