24.04.2026 | 12:27
Մի խաթարեք մեր ապրումները. Գարեգին Բ-ն չցանկացավ մեկնաբանել իր հասցեին մեղադրանքների թեման․ ՏԵՍԱՆՅՈՒԹ
Կորոնավիրուսի հնդկական մուտացիան հայտնաբերվել է աշխարհի 17 երկրում
Քաղաքականություն
28.04.2021 | 14:17
Կորոնավիրուսի B.1.617 մուտացիան, որն առաջին անգամ հայտնաբերվել է Հնդկաստանում, արդեն հայտնաբերվել է 17 երկրում։ Այս մասին հայտնել են Առողջապահության համաշխարհային կազմակերպությունից, գրում է Deutsche Welle-ի ռուսական ծառայությունը։
ԱՀԿ տվյալների համաձայն՝ B.1.617 մուտացիան ավելի հաճախ հանդիպում է Հնդկաստանում, Մեծ Բրիտանիայում, ԱՄՆ-ում և Սինգապուրում։ Հետազոտությունների միջանկյալ արդյունքները ցույց են տալիս, որ այս մուտացիան ավելի արագ է տարածվում, քան SARS-CoV-2-ի այլ տարբերակները։
Այնուամենայնիվ, ինչպես նշում են ԱՀԿ փորձագետները, Հնդկաստանում կորոնավիրուսի արագ տարածմանը նպաստում է ոչ միայն հնդկական շտամի բարձր վարակունակությունը, այլ նաև երկրում պատվաստումների ցածր մակարդակը, ինչպես նաև բնակչության անփույթ վերաբերմունքը հակավիրուսային կանոններին։
Ըստ Worldometers ռեսուրսի ՝ SARS-CoV-2 կորոնավիրուսի տարածման սկզբից ի վեր վարակը հայտնաբերվել է մոլորակի ավելի քան 149 միլիոն բնակիչների մոտ: Ավելի քան 3 միլիոն մարդ մահացել է COVID-19- ից: Առողջացել է ավելի քան 127 միլիոն հիվանդ:
Տաթև Ֆռանգյան
