31.07.2026 | 23:31
ՀԾԿՀ նախագահը այցելել է «Երևանի ՋԷԿ». քննարկվել են էներգաբլոկի ներկայիս հնարավորությունները
Վարչապետի թեկնածու առաջադրելու իմաստն ինչո՞ւմ է, եթե մեր նպատակն ԱԺ լուծարումն է. Տարոն Սիմոնյան. ՏԵՍԱՆՅՈՒԹ
Քաղաքականություն
26.04.2021 | 12:25
«Վարչապետի թեկնածու առաջադրելու իմաստը ո՞րն է, եթե մեր նպատակն ԱԺ լուծարումն է»,- այս մասին լրագրողների հետ ճեպազրույցում նշեց «Լուսավոր Հայաստան» խմբակցության պատգամավոր Տարոն Սիմոնյանը՝ անդրադառնալով այն քննադատություններին, որ եթե ԼՀԿ-ն վարչապետի թեկնածու չառաջադրի, ուրեմն ընդդիմություն չէ: Պատգամավորի դիտարկմամբ՝ այդ քննադատությունները քաղաքական մանիպուլյացիա են:
ԼՀԿ խմբակցության պատգամավորը նաև հայտարարեց, որ «Լուսավոր Հայաստան» կուսակցությունն առաջիկա խորհրդարանական ընտրություններին, ամենայն հավանականությամբ, միայնակ կմասնակցի: «Առայժմ միայնակ ենք, չեմ կարծում, որ հետագայում դաշինքի հարց կառաջանա, որովհետև ընտրություններին միայնակ մասնակցելու գաղափարը գերիշխում է»,- նշեց նա:
Սիմոնյանը նաև ասաց, որ դեռ հայտնի չէ՝ ինչ դասավորվածություն կունենա ԼՀԿ նախընտրական ցուցակը: «Կուսակցությունը համագումար կանի, կհաստատի ցուցակը»,- ասաց Սիմոնյանը՝ մանրամասնելով, որ դեռ հայտնի չէ համագումարի օրը:
Մանրամասները՝ տեսանյութում:
