17.09.2026 | 11:00
Կառավարության նիստը՝ ՈՒՂԻՂ
Ֆրանսիայի Սենատի պատվիրակությունն այցելել է Հայրենիքի պաշտպանի վերականգնողական կենտրոն
Քաղաքականություն
24.04.2021 | 20:42
Ապրիլի 24-ին Ֆրանսիայի Հանրապետության Սենատի նախագահ Ժերար Լարշեյի գլխավորած պատվիրակությունը ԱԺ «Իմ քայլը» խմբակցություն պատգամավոր, պետական-իրավական հարցերի մշտական հանձնաժողովի նախագահ Վլադիմիր Վարդանյանի ուղեկցությամբ այցելել է Հայրենիքի պաշտպանի վերականգնողական կենտրոն:
Երեւանի պետական բժշկական համալսարանի ռեկտոր Արմեն Մուրադյանը հյուրերին ներկայացրել է կենտրոնի ստեղծման պատմությունն ու գործունեությունը: Սենատորները եղել են ժամանակակից բժշկական սարքավորումներով հագեցած սենյակներում, հյուրանոցային տիպի հիվանդասենյակներում, գրադարանում, համաժողովների անցկացման համար նախատեսված սրահում եւ կենտրոնին կից ստեղծված արտադրամասում:
Այս վերականգնողական կենտրոնում բուժվել է 3 հազարից ավելի վիրավոր զինծառայող: Նրանցից շատերը կարողացել են քայլել սովորել, վեր կենալ հաշմանդամի սալյակից, նոր մասնագիտություն ձեռք բերել ու նորից վերադառնալ կյանք:
Ֆրանսիայի Սենատի նախագահը զրուցել է Արցախյան վերջին պատերազմի ժամանակ վիրավորում ստացած զինծառայողների հետ:
«Ողջունում եմ Ձեր արիությունն ու քաջությունը: Դուք ամենամեծ գինն ենք վճարել հայրենիքի համար»,- ասաց Ժերար Լարշեն:
