15.07.2026 | 12:45
ԵՄ-ն պետք է աջակցի Ռուբեն Վարդանյանի կնոջ՝ Բաքու մեկնելու նախաձեռնությունը․ Ջոել Վելդկամպ
ԵՊՀ-ի հարցը առանց «Բարձրագույն կրթության և գիտության մասին» օրենքի էլ լուծվելու է. ԿԳՄՍ նախարար․ ՏԵՍԱՆՅՈՒԹ
Հասարակություն
23.04.2021 | 18:38
ԿԳՄՍ-ն հակասահմանադրական ոչինչ չի առաջարկել։ Այս մասին այսօր լրագրողների հետ զրույցում նշեց ՀՀ ԿԳՄՍ նախարար Վահրամ Դումանյանը՝ արձագանքելով «Բարձրագույն կրթության և գիտության մասին» օրենքը չստորագրելու և ՍԴ ուղարկելու՝ ՀՀ նախագահ Արմեն Սարգսյանի որոշմանը:
«Ստացվում է բուռն աշխատանք մեր կողմից, ինչպես աշխատել ենք, շարունակելու ենք աշխատել։ Ինչպես ասել եմ, կրկնում եմ, որ մենք կաշխատենք միայն օրենքի շրջանակում, գործող կարգերի շրջանակում և շարունակում ենք աշխատել: Որ օրենքը կլինի, այդ օրենքի շրջանակում էլ կաշխատենք»,- հավելեց նախարարը:
Վահրամ Դումանյանը չպատասխանեց հարցին, թե ինչու է Արմեն Սարգսյանը դիմել Սահմանադրական դատարան, միայն ընդգծեց, որ իրենք Մայր օրենքի հետ անհամապատասխանություն չեն տեսնում:
ԵՊՀ-ի հոգաբարձուների խորհրդում տիրող իրավիճակի մասին հարցին ի պատասխան էլ՝ ԿԳՄՍ նախարարը նշեց, որ ամեն ինչ արվում է ոչ թե քանդելու, այլ կառուցելու, զարգացնելու, առողջ մթնոլորտ ձևավորելու ուղղությամբ։ Նաև հավելեց, որ ռեկտորի հարցը պետք է արդեն լուծված լիներ, բայց գնում է լուծման։
«ԵՊՀ-ի հարցն առանց «Բարձրագույն կրթության և գիտության մասին» օրենքի էլ լուծվելու է»,- ասաց նախարարը։
Մանրամասները՝ տեսանյութում։
Իրինա Մկրտչյան
