Քաղաքականություն
22.04.2021 | 14:33
ՆԱՏՕ-ի անդամ երկրների ղեկավարների գագաթնաժողովը տեղի կունենա հունիսի 14-ին Բրյուսելում։ Այս մասին ասված է ՆԱՏՕ-ի գլխավոր քարտուղար Յենս Սթոլթենբերգի տարածած հայտարարության մեջ, գրում է Business recorder-ը։
Տեղեկացվում է , որ հանդիպման ժամանակ քննարկվելու է դաշինքի ռազմավարությունը մի շարք մարտահրավերների , այդ թվում նաև՝ Ռուսաստանի ու Չինաստանի հանդեպ։
«Սա եզակի հնարավորություն է` ամրապնդելու ՆԱՏՕ-ն `որպես Եվրոպայի և Հյուսիսային Ամերիկայի միջև կապի կայուն մարմնացում», – ասված է Սթոլթենբերգի հայտարարության մեջ։
Ակնկալվում է, որ ԱՄՆ նախագահ Ջո Բայդենը ևս կմասնակցի գագաթնաժողովին՝ Եվրոպա կատարելիք իր առաջին պաշտոնական այցի ընթացքում։
Տաթև Ֆռանգյան
