18.05.2026 | 20:25
Աշխարհում մահապատիժների թիվը հասել է 1981թ. ի վեր ամենաբարձր մակարդակին. Իրանն առաջատարն է. Amnesty International
Տեխնիկական խափանում է եղել․ ռուս պատգամավորը՝ ԵԽԽՎ-ում հայ գերիների հարցով քվեարկության մասին
20.04.2021 | 17:13
ԵԽԽՎ-ում Ռուսաստանի պատվիրակության անդամ, պատգամավոր Սերգեյ Պախոմովն իր ինստագրամյան էջում անդրադարձել է նախօրեին հայ գերիների հարցով ռուսական պատվիրակության քվեարկության թեմային։
Հիշեցնենք՝ Ռուսաստանի 5 պատգամավոր, այդ թվում՝ ինքը՝ Պախոմովը, դեմ էին քվեարկել հայ գերիների հարցը ԵԽԽՎ լիագումար նիստի օրակարգ ներառելուն, 7 պատգամավոր՝ ձեռնպահ։
Պատգամավորին օգտատերերից մեկը հարցրել է, թե ինչո՞ւ է դեմ քվեարկել, ինչին ի պատասխան՝ Պախոմովը նշել է, որ տեխնիկական խափանում է եղել։
«Այդ հարցի քվեարկության ընթացքում տեխնիկական խափանում է եղել ամբողջ պատվիրակության մոտ։ Մենք նույնպես չենք հավատում պատահականություններին։ Համապատասխանաբար դիմել ենք»,- գրել է պատգամավորը։
Էմմա Չոբանյան
