06.05.2024 | 15:10
Ադրբեջանում ԱՄՆ դեսպանը Շուշի է այցելել
Սինգապուրում ստեղծել են 2 րոպեում շնչառության միջոցով կորոնավիրուս հայտնաբերող սարքավորում
Քաղաքականություն
20.04.2021 | 17:22
Սինգապուրում մշակվել է կորոնավիրուսի հայտնաբերման նոր սարք, որը վիրուսը հայտնաբերում է շնչառության միջոցով։ Covid-19-ը հայտնաբերող նման սարքավորումների զանգվածային կիրառումը հնարավոր կլինի արդեն շուտով։ Այն թույլ կտա անվտանգ ճամփորդել ու լայնածավալ միջոցառումներ կազմակերպել, հաղորդում է սինգապուրյան The Straits Times-ը։
Պարբերականը գրում է, որ սինգապուրյան Silver Factory Technology ընկերությունը համագործակցում է Ինֆեկցիոն հիվանդությունների ազգային կենտրոնի (NCID), «Չանգի» օդանավակայանի և «Certis» ընկերության հետ՝ այս շնչառական սարքերի զարգացման համար։
Տեղեկացվում է, որ Silver Factory-ի TracieX թեստավորման սարքը գրեթե նույնքան ճշգրիտ է գործում, ինչպես ՊՇՌ թեստերը, սակայն, ի տարբերություն վերջինի, թեստի պատասխանը հայտնի է լինում 2 րոպե անց։ Բացի այդ, այն նաև ավելի մատչելի է՝ շուրջ 20 դոլար։
Silver Factory ընկերությոնից հայտնել են, որ փորձարկումներն արդեն սկսվել են NCID-ում, «Չանգի» օդանավակայանի տերմինալներից մեկում և Certis ընկերությունում։ Մինչ օրս ավելի քան 400 անհատ այս կերպ թեստավորվել է։
Տաթև Ֆռանգյան
