19.02.2026 | 11:53
Ոչ մի ճանապարհ չի կարող փոխարինել Վրաստանի եզակի ռազմավարական դերին. Թբիլիսին՝ ՀՀ-Ադրբեջան ճանապարհային նախագծերի մասին
Ալեքսեյ Նավալնին քրեակատարողական հիմնարկից տեղափոխվել է դատապարտյալների հիվանդանոց
Քաղաքականություն
19.04.2021 | 16:03
Պոկրովի թիվ 2 ուղղիչ գաղութում գրեթե 3 շաբաթ հացադուլի մեջ գտնվող ռուս ընդդիմադիր առաջնորդ Ալեքսեյ Նավալնիին այս ՔԿՀ-ից տեղափոխել են թիվ 3 ուղղիչ գաղութի տարածքում գտնվող դատապարտյալների տարածաշրջանային հիվանդանոց: Այս մասին երկուշաբթի՝ ապրիլի 19-ին, հայտարարել է Վլադիմիրի մարզի Դաշնային քրեակատարողական ծառայության վարչությունը: Քաղաքական գործչին նշանակվել է վիտամինային թերապիա, գրում է DW-ի ռուսական ծառայությունը:
«Բժիշկների միություն» արհմիութենական կազմակերպությունը պարզել էր, որ Նավալնիի արյան շիճուկում կալիումի պարունակությունը կազմում է 7,1 մմոլ / լ: «Սա նշանակում է ինչպես երիկամային անբավարարություն, այնպես էլ այն, որ ցանկացած պահի կարող են սրտի ռիթմի լուրջ խանգարումներ լինել. փորոքային ֆիբրիլյացիայից ընդհուպ մինչև սրտի կանգ»,- ասել է արհմիության ղեկավար Անաստասիա Վասիլևան:
«Բժիշկների միության» ներկայացուցիչները նամակ են ուղարկել Քրեակատարողական դաշնային ծառայություն՝ կոչ անելով շտապ սկսել բանակցություններն ու քաղաքական գործչի բուժումը:
