30.06.2026 | 13:16
Տաքսու վարորդներն ու բոլոր գրանցված աշխատողները հունվարի 1-ից առողջության ապահովագրություն կունենան․ ՏԵՍԱՆՅՈՒԹ
Կինոն նաև մշակութային քաղաքականության կարևոր օղակ է. Դումանյանի ուղերձը
Մշակույթ
16.04.2021 | 16:57
ՀՀ ԿԳՄՍ նախարար Վահրամ Դումանյանի շնորհավորական ուղերձը Կինոյի օրվա առթիվ
Հարգելի՛ կինոգործիչներ,
կինեմատոգրաֆիան մեր կյանքի ոչ միայն արտապատկերումն է, այլև իմաստավորումը: Կինոգործչի բարդ ու հետաքրքիր մասնագիտությունը հանդիսատեսին բազմաթիվ հարցերի պատասխաններ գտնելու, միաժամանակ նոր հարցեր ձևակերպելու հնարավորություն է տալիս:
Անկախության` հատկապես կինոարտադրության համար չափազանց դժվարին տարիները հայաստանցի կինոգործչից բազմապատիկ եռանդ ու նվիրում են պահանջել: Բազում փորձություններ հաղթահարվել են, եղել են նաև անհաղթահարելի դժվարություններ, բայց միշտ եղել է ձեր անմնացորդ նվիրումը և հանդիսատեսի սպասումը` հայտնվելու արդի կինոաշխարհի անկանխատեսելի հոլովույթներում:
Կինոն նաև մշակութային քաղաքականության կարևոր օղակ է. մեր երկրի` միջազգային հեղինակության ու կշռի չափումը նաև ազգային կինեմատոգրաֆի միջոցով է իրականանում: Մենք շնորհակալ ենք կինեմատոգրաֆիայի ասպարեզի բոլոր աշխատակիցներին ներդրած ջանքերի ու հատկապես մեր ազգային-պետական կյանքում այս ծանր օրերին դրսևորած տոկունության ու նախանձախնդրության համար:
Կինոյի օրվա առթիվ շնորհավորում եմ բոլորիս, մաղթում անկոտրում կամք և ձեռքբերումներ:
