Փակված է Սերժ Սարգսյանի, Քոչարյանի, Տեր-Պետրոսյանի էջը․ լավ կլինի՝ փակենք նաև Նիկոլ Փաշինյանի էջը․ Սուրեն Սահակյան. ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Factor TV-ին զրուցել է «Քաղաքացու որոշում» կուսակցության անդամ Սուրեն Սահակյանի հետ

-Պարո՛ն Սահակյան, վարչապետ Նիկոլ Փաշինյանը Ազգային ժողովի ամբիոնից հայտարարեց, թե Շուշիի անկման թեմայով ինքը ևս հարցեր ունի կոնկրետ անձանց։ Հոկտեմբերի 19-ին Դուք արտախորհրդարանական այլ ուժերի հետ հանդիպել էիք վարչապետին։ Ըստ Պուտինի՝ այդ օրը Փաշինյանը չի համաձայնվել պատերազմը կանգնեցնել Ալիևի տարբերակով, այն է՝ Շուշի ադրբեջանցի փախստականների վերադարձի պայման էր դրվում։ Այդ նիստում խոսք գնացե՞լ է Շուշիի թեմայով։

-Չէ, Շուշիի մասին ոչ մի խոսակցություն․․․ Շուշիի մասին խոսակցություն է գնացել, որ եթե հիմա մենք փորձենք վերադարձնել հինգ, նույնիսկ՝ յոթ շրջանները, կարող է Ալիևը դրան չհամաձայնվի, մի հատ էլ Շուշին ուզի, և նրանից չի, որ մենք չենք համաձայնվում պատերազմը կանգնեցնել որևէ պատճառով, այլ՝ քանի որ ամեն հաջորդ պահի Ադրբեջանը՝ Ալիևը, ավելին է ուզում։

–Հատկանշական է, որ պատերազմը դադարեցվեց Շուշիի անկումից հետո։ Կարելի՞ է ենթադրել, որ իսկապես Ալիևի պահանջը կատարվել է՝ յոթ շրջաններից զատ հանձնվել է Շուշին ևս, ուղղակի պատերազմի միջոցով։

-Այդ հարցին միանշանակ պատասխանելու համար ինֆորմացիա է պետք, որին ես չեմ տիրապետում, բայց իրավիճակի վերլուծությունը ինձ թույլ է տալիս կարծիք հայտնել, որ Շուշիի անկումով պատերազմ կանգնեցնելը պարտադրվել է և՛ Փաշինյանին, և՛ Ալիևին։

-Արտահերթ ընտրությունների թեմայով․ Ռուսաստանի Դաշնությունը կունենա՞ ցանկալի վարչապետի թեկնածու այս ընտրություններում։ Ռոբերտ Քոչարյանի և Նիկոլ Փաշինյանի այցելությունը Մոսկվա և Պուտինի հետ զրույց ունենալը մեկնաբանվեց՝ թե նրանք գնացին Մոսկվա իշխանություն բերելու կամ «դաբրո» ստանալու։

-Ես կարծում եմ, որ Հայաստանի մեծ մասը և ըստ հարցումների՝ առաջնային դիրքեր գրավողները Ռուսաստանի հարցում առանձնապես մեծ տարբերություն չունեն և մեկը մյուսից լավ կարող են կատարել Ռուսաստանի պատվերները։

-Այդ հանգամանքի բերումո՞վ են հայտնվել հարցումների առաջնագծում։

–Չէ, չեմ կարծում, որ դրա համար, բայց, այնուամենայնիվ, Ռուսաստանի հանդեպ վերաբերմունքը էական ազդեցություն ունի։ Եթե նրանցից մեկնումեկը դեմ հանդես գա, այդ դեպքում՝ անհրաժեշտություն կունենան լրացուցիչ ռեսուրս ծախսել՝ բացատրելու այդ քայլի նպատակահարմարությունը։ Մենք այդ ուղղությամբ առանձնապես չենք գնա՝ կարծում եմ։

-Ի՞նչ եք կարծում՝ Լևոն Տեր-Պետրոսյանին, Ռոբերտ Քոչարյանին, Սերժ Սարգսյանին կհաջողվի՞ հասարակությանը համոզել, որ իսկապես՝ այս իշխանությունը, ինչպես Տեր-Պետրոսյանն է ասում, «ազգակործան է», և կառավարման ղեկը պետք է վերադարձնել նախկին համակարգին։

-Ես չգիտեմ իրենց ինչ կհաջողվի անել։ Եթե դուք այն համատեքստում եք ասում՝ կհաջողվի՞ նախկիններին վերադառնալ, թե՝ չէ, ես կարծում եմ՝ չէ, չի հաջողվի, և այդ էջն այլևս փակված է թե՛ Քոչարյանի համար, թե՛ Սերժ Սարգսյանի համար, թե՛ Լևոն Տեր-Պետրոսյանի համար։ Լավ կլիներ, որ մենք փակեինք նաև Նիկոլ Փաշինյանի էջը և սերնդափոխություն տեղի ունենար՝ ժամանակ ու հնարավորություն տրվեր նոր սերնդին, նոր մտածողությանը՝ ինքնադրսևորվել ի շահ Հայաստանի Հանրապետության և հայ ժողովրդի։ Ես հույս ունեմ, որ քաղաքացիների օգնությամբ մենք ոչ թե անցնելու ենք Պառլամենտ, այլ կգրավենք այնպիսի դիրք, որտեղ կարող ենք կայունացնող գործոն հանդիսանալ տարբեր քաղաքական պրոցեսների մեջ։ Որովհետև եթե, պայմանական ասած, «նախկինների» և «ներկաների», «սևերի» և «սպիտակների» միջև որևէ մեկը ջախջախիչ հաղթանակ տարավ, դա լինելու է Հայաստանում բռնապետության սկիզբ։ Դա կանխել հնարավոր է մի դեպքում, երբ կլինի բալանսավորող ուժ, առանց որի որոշում կայացնել չի լինի։ Ես կարծում եմ՝ այդ ուժն իր գործառույթը կարող է կատարել 10-ից 15 տոկոս ստանալու պարագայում, և ես կարծում եմ՝ քաղաքացիները մեզ էդպիսի քվե կտան։ Բացի այն, որ անցնելու ենք Պառլամենտ, ես հույս ունեմ՝ այդպիսի գործառույթ կկարողանանք իրականացնել։

Հարցազրույցն ամբողջությամբ՝ տեսանյութում։

Ռոբերտ Անանյան