17.09.2026 | 17:53
Վարչապետի գլխավորությամբ քննարկվել է 2027 թ. պետբյուջեի նախագիծը
Այդ գեներալի անունը Նիկոլ Փաշինյան է. Էդմոն Մարուքյան. ՏԵՍԱՆՅՈՒԹ
Քաղաքականություն
15.04.2021 | 14:11
«Լելե Թեփեի» օպերացիայի մեղավորը Նիկոլ Փաշինյանն է, պետք չի շեղել ու հայտարարել գեներալի անունը, որն իբր մեղավոր է: Այս մասին ԱԺ-ում լրագրողների հետ զրույցում նշեց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով նախօրեին Նիկոլ Փաշինյանի հայտարարությանը, թե «Լելե Թեփեի» օպերացիան մշակել է գեներալ, հմաձյնել է գեներալ, իրկանացրել է գեներալ, իսկ ինքը միայն ներկա է եղել, մոդերատորություն է արել այդ հանդիպմանը, կարծիք չի հայտնել:
«Գեներալները կարծիքներ են ասում: Մի գեներալն ասում է՝ կարող ենք «Լելե Թեփեն» գրավել, երկրորդն ասում է՝ կարող ենք հասնել ստորոտին, ու էդտեղ դժվարություն կունեննք, երրորդն ասում է՝ եկեք չնենք այս օպերացիան, մյուսն էլ ասում է՝ եկեք մի շաբաթից անենք: Վերջում ինչ-որ մեկը, որի անունը Նիկոլ Փաշինյան է, ասում է՝ անում ենք դա այս ձևով: Բայց պատասխանատվություն ստանձնելու հետ կապված իրենք որևէ բան չունեն: Այսինքն դու վարչապե՞տ ես, թե մոդերատոր: Ասում է՝ ես մոդերացիա էի անում: Ժողովուրդը քեզ ընտրել է որպես վարչապետ, ասել է՝ դու գերագույն գլխավոր հրմանատարն ես, դու ես որոշումները կայացնում: Եթե «Լելե Թեփեի» հետ կապված որոշում ես կայացրել, ասա՝ սխալ որոշում էր, պլանավորել էիք այսպես, չստացվեց, բայց ասել, որ գեներալներն են որոշել, գտեք այդ գեներալի անունը, դա աբսուրդ է: Գեներալի նունը հայտնի է՝ Նիկոլ Փաշինյան»,-ասաց ԼՀԿ ղեկավարը:
