17.09.2026 | 19:46
Ռուսական ԱԹՍ-ն կրկին հարվածել է Ուկրաինայի արևմուտքին՝ Լեհաստանի սահմանի մոտ
ԱՄՆ-ը լրացուցիչ 500 զինծառայող կտեղակայի Գերմանիայում
Քաղաքականություն
13.04.2021 | 19:09
ԱՄՆ-ն աշնանը լրացուցիչ 500 զինծառայող կտեղակայի Գերմանիայում։ Այս մասին այսօր Բեռլինում գերմանացի իր գործընկեր Աննեգրետ Կրամպ-Կարենբաուերի հետ համատեղ մամուլի ասուլիսում ասել է ԱՄՆ պաշտպանության նախարար Լլոյդ Օսթինը, գրում է DW-ի ռուսական ծառայությունը:
Օսթինը բարձր է գնահատել Գերմանիայի ջանքերը, որոնք ուղղված են պաշտպանական ծախսերի ավելացմանը: Իր հերթին, Կրամպ-Կարենբաուերը ԳԴՀ տարածքում եւս 500 զինծառայող տեղակայելու ԱՄՆ որոշումն անվանել է «համագործակցության հստակ ազդանշան», իսկ Օսթինին ՝ «այդ երկրի բարեկամ»: 67-ամյա Լլոյդ Օսթինը ժամանակին ծառայել է Գերմանիայի Դաշնային Հանրապետությունում և, իր խոսքով, «անձնական զգացմունքներ» ունի Գերմանիայի նկատմամբ:
Հավելենք, որ ներկայումս Գերմանիայի Դաշնային Հանրապետության տարածքում տեղակայված են շուրջ 34,5 հազար ԱՄՆ զինծառայողներ: 2020-ի հուլիսին նախկին նախագահ Դոնալդ Թրամփը հայտարարել էր Գերմանիայից ամերիկյան զորակազմի մեկ երրորդի դուրսբերման մասին: Թրամփը սա անվանել էր իր տեսակի մեջ պատիժ այն բանի համար, որ Բեռլինը, ըստ նրա՝ բավարար միջոցներ չի հատկացնում պաշտպանությանը, ՆԱՏՕ-ում վճռականություն չի դրսևորում և ապավինում է ԱՄՆ-ի պաշտպանության վրա։ Թրամփի այս ծրագրերը մտահոգությունների և քննադատությունների տեղիք էին տվել հենց բուն ԱՄՆ-ում:
Տաթև Ֆռանգյան
