30.06.2026 | 16:15
Կրեմլը խոստովանել է, որ ՌԴ-ն բանակցություններ է վարում նավթամթերքի ներմուծման հարցով
Մահացել է գեղանկարիչ Արմեն Աթայանը
Մշակույթ
08.04.2021 | 16:53
Կյանքից հեռացել է Հայաստանի նկարիչների միության անդամ, գեղանկարիչ Արմեն Աթայանը: Միությունից հայտնում են, որ նկարչի հոգեհանգստի արարողությունը տեղի կունենա ապրիլ 9-ին:
Արմեն Աթայանը ծնվել է 1922 թվականին: 1941 թվականին ավարտել է Երևանի գեղարվեստի ուսումնարանը, 1952 թվականին՝ Երևանի գեղարվեստի ինստիտուտը: 1954 թվականից ստեղծագործել է Կիևում, իսկ 1965-ից՝ Երևանում: Դասավանդել է ԵԳԻ-ում։ Մասնակցել է Երկրորդ համաշխարհային պատերազմին (1941-1945)։
Հեղինակ է բնանկարների, դիմանկարների և նատյուրմորտների, որոնց բնորոշ է քնարական պայծառ երփնագիրը։ Անհատական ցուցահանդեսներ է ունեցել Ուկրաինայում, Երևանում:
