20.05.2026 | 08:55
Նարեկ Կարապետյանը թաքցրել է ՌԴ քաղաքացիություն ունենալու մասին տեղեկությունը. ՔԿ
Լեհաստանի ԱԳ նախարարը հրատապ այցով մեկնել է Կիև՝ Ուկրաինայի սահմաններին խաղաղության սպառնալիքի պատճառով
Քաղաքականություն
08.04.2021 | 13:47
Լեհաստանի արտգործնախարար Զբիգնև Ռաուն շտապ մեկնում է Ուկրաինա՝ քննարկելու երկրի սահմաններին տիրող իրավիճակը։ Այս մասին հայտնել է Լեհաստանի արտաքին գերատեսչությունը, գրում է ՏԱՍՍ-ը։
«Այսօր՝ ապրիլի 8-ին, կայացել է նախարար Զբիգնև Ռաուի արտահերթ հրատապ այցը Կիև։ Այցը կապված է Ուկրաինայի սահմաններին խաղաղության սպառնալիքի հետ»,- նշված է հաղորդագրության մեջ։
Հավելենք, որ վերջին օրերին արևմտյան երկրները բազմիցս իրենց մտահոգություն են հայտնել Ուկրաինայի սահմանների երկայնքով ռուսական ուժերի կուտակման մասին ուկրաինացի զինվորականների հայտարարությունների կապակցությամբ:
ՌԴ նախագահի խոսնակ Դմիտրի Պեսկովն իր հերթին հայտարարել էր, որ Ռուսաստանի զորքերի տեղաշարժը ՌԴ տարածքով չպետք է անհանգստացնի այլ պետություններին, քանի որ դա նրանց ոչ մի կերպ չի սպառնում: Դոնբասում իրավիճակը բարդացել է փետրվարի վերջին. տարածաշրջանում գրեթե ամեն օր կրակոցներ են հնչում, այդ թվում՝ ականանետերի և նռնականետերի կիրառմամբ:
Տաթև Ֆռանգյան
