19.02.2026 | 23:00
ՀՀ ԱԺ նախագահը հայտարարում է Կոռուպցիայի կանխարգելման հանձնաժողովի անդամների պաշտոններում թեկնածուների ընտրության մրցույթ
Հայաստանն այնքան ռեսուրս չունի, որ բանակցային գործընթացում պայքարի ու պաշտպանի իր շահերը. քաղաքագետ. ՏԵՍԱՆՅՈՒԹ
Տեսանյութեր
06.04.2021 | 12:30
Հայաստանը, մեղմ ասած, այնքան շատ ռեսուրս չունի, որ այս բանակցություններում որևէ կերպ պայքարի և իր շահերը պաշտպանի, հատկապես՝ գերիների հարցով։ Այս մասին այսօր «Հետպատերազմյան բանակցություններ․ ի՞նչ են քննարկում և ինչի՞ են ձգտում հասնել Երևանն ու Բաքուն» թեմայով քննարկման ժամանակ նշեց քաղաքագետ, Կովկասի ինտիտուտի տնօրեն Ալեքսանդր Իսկանդարյանը։
«Ըստ իս՝ հայերն ամբողջապես հասկանում են, թե ադրբեջանցիներին ինչ է պետք, իսկ ադրբեջանցիները հստակ հասկանում են՝ ինչ է պետք հայերին։ Իրականում, ամբողջությամբ հասկանալի է՝ Ադրբեջանն ինչ է անում և ինչպես է փորձում հասնել իր նպատակներին։ Հետևաբար՝ ինչո՞ւ միանգամից հանձնել բոլոր գերիներին և բանակցային գործընթացի շրջանակում կորցնել այդ խաղաքարտը, հատկապես՝ ընտրական գործընթացին ընդառաջ»,- նշեց Իսկանդարյանը։
Նրա կարծիքով՝ ԱՄՆ-ն կամ այլ երկրներ այնքան շատ գործիքակազմ չունեն Ադրբեջանին ճնշելու համար։ «Ռուսաստանն ավելի մեծ գործիքակազմ ունի, բայց այն նույնպես բավարար չէ»,- ասաց քաղաքագետը։
Մանրամասները՝ տեսանյութում։
Նելլի Մելքոնյան
