16.12.2025 | 19:13
Հայաստանի Սահմանադրությունը պետք է համապատասխանեցվի նախաստորագրված խաղաղության համաձայնագրին. Ալիևի ներկայացուցիչ
Բաքուն հայտարարում է՝ ԼՂ պատերազմում «Իսկանդեր Մ» է կիրառվել, որը Հայաստանի ԶՈՒ զինանոցում չկա
Քաղաքականություն
02.04.2021 | 18:15
Ադրբեջանի ականազերծման ազգային գործակալությունը հայտարարում է, որ մարտի 15-ին Շուշիում գտնված հրթիռների բեկորները պատկանում են «Իսկանդեր Մ» համակարգին, որը, իբր, հայկական կողմն օգտագործել է Արցախյան երկրորդ պատերազմում։ Այս մասին լրագրողների հետ զրույցում հայտարարել է գործակալության օպերատիվ շտաբի ղեկավար Իդրիս Իսմայիլովը։
Նրա խոսքով՝ մասնագետների ուսումնասիրության ընթացքում ստուգվել է հրթիռի ինդեքսը՝ 9M723:
«Ինչպես պարզվում է՝ այդ մնացորդները պատկանում են «Իսկանդերի» հրթիռին։ Նրանք գտնվել են միմյանցից 780 մետր հեռավորության վրա։ Մասնագետները եզակացության են եկել, որ հրթիռներն արձակվել են «Իսկանդեր Մ» օպերատիվ մարտավարական համակարգից»,- ասել է Իսմայիլովը՝ հավելելով, որ ներկայում պայթունի վայրում հետաքննություն է կատարվում։
Նշենք, որ «Իսկանդեր Մ» համակարգը նախատեսված է միայն Ռուսաստանի զինված ուժերի համար և չի արտահանվում։ Հայկական Զինված ուժերի զինանոցում առկա է «Իսկանդեր Է» օպերատիվ-մարտավարական համակարգը։
Էմմա Չոբանյան
