13.12.2025 | 13:51
ԱԺ հանձնաժողովները կմասնակցեն կառավարության կազմավորմանը․ ի՞նչ փոփոխություններ են նախանշվում Սահմանադրությունում
Ավարտվեց Սերգեյ Լավրովի և Արա Այվազյանի հանդիպումը. ՏԵՍԱՆՅՈՒԹ
Քաղաքականություն
01.04.2021 | 20:22
Ավարտվեց Ռուսաստանի Դաշնության ԱԳ նախարար Սերգեյ Լավրովի և Հայաստանի ԱԳ նախարար Արա Այվազյանի հանդիպումը: Այս մասին տեղեկանում ենք ՌԴ ԱԳՆ կայքից։
ԱԳՆ ղեկավարները քննարկել են Ռուսաստանի, Ադրբեջանի և Հայաստանի ղեկավարների 2020 թ. նոյեմբերի 9-ի և 2021 թ. հունվարի 11-ի համաձայնագրերի կատարման ընթացքը, մասնավորապես՝ Լեռնային Ղարաբաղում հումանիտար խնդիրների լուծման, տնտեսական կապերի ապաշրջափակման և տրանսպորտային հաղորդակցության վերականգնման ուղիները տարածաշրջանում:
«Նախարարները մտքեր փոխանակեցին ռուս-հայկական համագործակցության արդիական հարցերի, այդ թվում` բարձրագույն և բարձր մակարդակի շփումների, երկու երկրների միջև դիվանագիտական հարաբերությունների հաստատման 30-ամյակի նախապատրաստական աշխատանքների շուրջ: Քննարկվեցին փոխադարձ հետաքրքրություն ներկայացնող միջազգային օրակարգի որոշակի թեմաներ»,- ասվում է հաղորդագրությունում:
ՀՀ ԱԳՆ-ից էլ հայտնում են, որ առանձնազրույցի ընթացքում արտգործնախարարները դիտարկել են ԼՂ հիմնահարցին առնչվող հարցերի լայն շրջանակ, որը ներառում է նաև հակամարտության գոտում 2020 թվականի նոյեմբերի 9-ի, ինչպես նաև հունվարի 11-ի եռակողմ հայտարարության իրականացման ընթացքն ու առկա զարգացումները: Այս համատեքստում նախարար Այվազյանը շեշտել էադրբեջանական կողմում՝ եռակողմ հայտարարությամբ ստանձնած պարտավորությունների կապտագույն խախտմամբ պահվող հայ ռազմագերիների և պատանդի կարգավիճակում պահվող անձանց անհապաղ հայրենադարձման կարևորությունը:
Արա Այվազյանը լուրջ մտահոգություն է հայտնել Ադրբեջանի վերահսկողության տակ հայտնված տարածքներում հայկական մշակութային և կրոնական կոթողների միտումնավոր թիրախավորման առնչությամբ՝ ընդգծելով այդ ժառանգության պաշտպանության ուղղությամբ տարբեր ձևաչափերով քայլեր ձեռնարկելու հրատապությունը:
