17.09.2026 | 20:33
Ալիևը հայտարարել է՝ «եթե ՄԱԿ-ը նորմալ գործեր, ստիպված չէինք լինի ուժով նվաճել մեր տարածքները»
ԱՄՆ իշխանություններին հաջողվել է արագացնել նոր կորոնավիրուսի դեմ բնակչության պատվաստման գործընթացը․ Բայդեն
Քաղաքականություն
01.04.2021 | 12:49
ԱՄՆ իշխանություններին հաջողվել է արագացնել նոր կորոնավիրուսի դեմ բնակչության պատվաստման գործընթացը. 65 տարեկանից բարձր քաղաքացիների գրեթե 75% -ն արդեն պատվաստվել է: Այս մասին հայտարարել է ԱՄՆ նախագահ Ջո Բայդենը ամերիկյան ESPN հեռուստաընկերության լրագրողներին տված հարցազրույցում, որը եթեր է հեռարձակվել չորեքշաբթի օրը:
Ինչպես նշել է ԱՄՆ առաջնորդը, Միացյալ Նահանգները մոտ է «65 տարեկանից բարձր մարդկանց 75% -ին պատվաստելու ցուցանիշին ՝ բնակչության առավել խոցելի հատվածին»:
Նա հայտարարել է, որ այս առումով վարակի տարածման տեմպերը պետք է «զգալիորեն նվազեն»:
Բայդենն ուշադրություն է հրավիրել այն փաստի վրա, որ իր վարչակազմը մի քանի հազար մարդով ավելացրել է բնակչության պատվաստումներ անող անձնակազմի թիվը, ինչպես նաև բացվել են պատվաստումների լրացուցիչ կենտրոններ: Բայդենը քննադատել է ամերիկյան այն նահանգների իշխանություններին, որոնք, նրա կարծիքով, շատ արագ են վերացնում համաճարակի պատճառով սահմանված սանիտարական սահմանափակումները:
«Ես չեմ հասկանում, թե ինչու մենք չենք առաջնորդվում գիտական տվյալներով», – շեշտել է ԱՄՆ առաջնորդը:
Տաթև Ֆռանգյան
