12.12.2024 | 10:31
Նավթի գներն աճել են
Ֆրանսիացի բժիշկները նախազգուշացրել են երկրում մոտալուտ աղետի մասին
Քաղաքականություն
29.03.2021 | 15:26
Ֆրանսիացի բժիշկները հայտարարել են կորոնավիրուսային համաճարակի պատճառով երկրում մոտալուտ աղետի մասին ու կոչ արել իշխանություններին՝ անհապաղ փակել սահմանները։ Բժիշկների բաց նամակը հրապարակել է Le Journal du Dimanche-ը, գրում է France 24-ը։
Նամակի հեղինակները պնդում են, որ Ֆրանսիայի բժշակական համակարգը գտնվում է փլուզման եզրին՝ հիվանդանոցներում տեղերի պակասի պատճառով։ Նամակը հրապարակվել է այն բանից հետո, ինչ Ֆրնասիայի նախագահ Էմանուել Մակրոնը հրաժարվել է անցյալ տարվա նման լիակատար լոքդաուն մտցնել։
Հունվար ամսից Մակրոնի կառավարությունը սահմանել է համապետական պարետային ժամ և հետևում է դրա պահպանմանը՝ չբացառելով նաև այլ սահմանափակումների կիրառումը:
Սակայն կորոնավիրուսով վարակվածների թվի աճի հետևանքով, հիվանդանոցներում գնալով պակասում են վերակենդանացման մահճակալները, իսկ բժիշկները ուժեղացնում են ճնշումը իշխանությունների վրա՝ պահանջելով համաֆրանսիական լիակատար լոքդաուն։
Տաթև Ֆռանգյան
