24.04.2026 | 23:32
Կապանում ջրանջատում կլինի
Օգտագործվել են Հայաստանի զինանոցում եղած հրթիռները․ ոչ մի հակասություն չկա․ Փաշինյանը՝ ՍՈՒ-30-ի մասին. ՏԵՍԱՆՅՈՒԹ
Տեսանյութեր
24.03.2021 | 18:22
ՀՀ վարչապետ Նիկոլ Փաշինյանն Ազգային ժողով – Կառավարություն հարցուպատասխանի ժամանակ, պատասխանելով ԱԺ փոխնախագահ Ալեն Սիմոնյանի հարցին, անդրադարձել է Հայաստանի ձեռք բերած Սու-30 ՍՄ ինքնաթիռները 44-օրյա պատերազմի ժամանակ չկիրառելու պատճառներին: Վարչապետը նշեց, որ Սու-30 ինքնաթիռների վերաբերյալ իր հայտարարություններում հակասություն չկա:
«Սու-30 ՍՄ ինքնաթիռները գերժամանակակից հզոր զենք են՝ ամբողջության մեջ, իր հրթիռներով, սարքավորումներով: Ակնհայտ է, որ ինքնաթիռների և տարբեր մոդիֆիկացիայի հրթիռներ արտադրողները նույն սուբյեկտները չեն, հետևաբար դրանք ոչ թե ամբողջությամբ են ձեռք բերվում, այլ հատվածական, տարբեր սուբյեկտներից:
Սու-30 ՍՄ ինքնաթիռները Հայաստան են եկել 2020 թ. մայիսին, և, այո, իրականացրել են վարժական թռիչքներ, օգտագործել են հրթիռներ, որոնք ՀՀ զինանոցում նախկինում եղած են եղել: Կոնկրետ ռազմական իրավիճակում նրանց օգտագործման կամ չօգտագործման վերաբերյալ որոշումները կայացվել են ըստ այնմ, թե եղած սպառազինությունը որքանով է հնարավորություն տալիս, որպեսզի դրանք կատարեն իրենց առաջ դրված մարտական խնդիրները:
Ցավոք, պատերազմի ընթացքում մենք չէինք հասցրել ձեռք բերել անհրաժեշտ աքսեսուարները, հրթիռները, որ հնարավորություն կտային Սու-30 ՍՄ գերժամանակակից զենքը կիրառել իր նշանակությամբ ու հզորությամբ»,-նշեց Փաշինյանը:
Մանրամասները՝ տեսանյութում:
