Հայաստանի ազատ ոճի ըմբշամարտի հավաքականի անդամ Արսեն Հարությունյանը մեծ ակնկալիքներ ունի Տոկիոյի 32-րդ ամառային Օլիմպիական խաղերից:
Մարզիկն այսօր հրավիրված ասուլիսում ամփոփեց Բուդապեշտի ՕԽ վարկանիշային մրցաշարը, որտեղ նա քվոտա էր նվաճել. «Շատ հետաքրքրիր գոտեմարտեր ունեցա, ինձ համար այս հաղթանակը սպասելի էր, քանի որ շատ երկար ճանապարհ էինք անցել մինչ ուղեգիր կնվաճեինք: Մենք պատրաստք էինք լավ գոտեմարտելու, քանի որ մարզիչները և հոգեբանները լուրջ աշխատանք էին կատարել մեզ հետ: Մեր նպատակը Օլիմպիական խաղերն են, սա միայն մեկ քայլ էր դեպի ՕԽ-ն: Փորձելու ենք ամեն ինչ անել Տոկիոյի խաղերի շատ լավ մասնակցելու համար»:
Հիշեցնենք՝ Հունգարիայի մայրաքաղաք Բուդապեշտում կայացած եվրոպական օլիմպիական վարկանիշային մրցաշարի 57 կգ քաշային Արսեն Հարությունյանը, նախ հասնելով եզրափակիչ, նվաճեց ՕԽ ուղեգիր, այնուհետ դարձավ մրցաշարի հաղթող` գերազանցելով բուլղար մարզիկին:
