18.12.2025 | 17:21
Մալաթիայի «Ոսկու շուկա»-ի տնօրենը ձերբակալվել է ապօրինի զենք կրելու կասկածանքով
ԶԼՄ-ների ազատության հարցերով ԵԱՀԿ ներկայացուցիչն անդրադարձել է «Մեդիալաբ»-ի խմբագրին ուղղված սպառնալիքներին
Հասարակություն
06.02.2018 | 16:00
ԶԼՄ-ների ազատության հարցերով ԵԱՀԿ ներկայացուցիչ Հարլեմ Դեզիրը «ԵԱՀԿ ԶԼՄ-ների ազատություն» անվանումը կրող թվիթերյան էջում արված գրառմամբ դատապարտել է «Մեդիալաբ»-ի խմբագրի հասցեին հնչեցված սպառնալիքները:
«Մտահոգված եմ «Մեդիալաբ»-ի խմբագրի հասցեին հնչեցված սպառնալիքների պատճառով: Լրագրողների դեմ ցանկացած սպառնալիք՝ այդ թվում և առցանց, սպառնալիք է ժողովրդավարությանը: Հուսով եմ, որ հետաքննությունը արագ կընթանա, և մեղավորին պատժի կենթարկեն : #JournoSafe #SOFJO»,- ասված է գրառման մեջ:
Հիշեցնենք, որ «ՊՆ-ն դեկտեմբեր ամսին 7 մլն դրամի ծաղիկ է գնել» ծաղրանկարի հրապարակումից հետո կայքի գլխավոր խմբագիր Մարիաննա Գրիգորյանին «ֆեյսբուքի» մի օգտատեր սպառնացել էր՝ հիշեցնելով ֆրանսիական երգիծական պարբերականի՝ «Շառլի Էբդոյի» հետ տեղի ունեցածը, երբ խմբագրության վրա հարձակման հետևանքով 12 մարդ էր զոհվել:
Նշենք նաև, որ այդ սպառնալիքների առնչությամբ ՀՔԱՎ-ը հաղորդում էր ներկայացել Գլխավոր դատախազություն, իսկ ՀՀ-ում ԱՄՆ դեսպանն իր մատհոգությունն էր հայտնել:
