ԱԺ-ում լինելու ենք Արցախի ձայնը․ տպավորություն է՝ հանձնեցինք, պրծանք․ Թագուհի Թովմասյան. ՏԵՍԱՆՅՈՒԹ

Այսօր Ազգային ժողովում իր ելույթում ԱԺ պատգամավոր Թագուհի Թովմասյանը հայտնեց, որ ինքը և իր գործընկեր, ԱԺ պատգամավոր Աննա Գրիգորյանը նոր են վերադարձել Արցախից  և որոշել են Սոֆյա Հովսեփյանի հետ՝ ոչ իր իրավաբանական ձևակերպմամբ, քանի որ օրենսդրությունը թույլ չի տալիս, ձևավորել  «Արցախ» նախաձեռնությունը:

«Մենք պատրաստվում ենք, թեկուզ կարճաժամկետ, այս խորհրդանում լինել Արցախի ձայնը, քանի որ մենք մինչև հիմա Արցախի հետ բարեկամական խմբի ֆորմատ ունենք և այդպիսի տարբեր բարեկամական խմբեր ունենք տարբեր երկրների հետ: Արցախի մասով հատուկ ընդգծված վերաբերմունք պետք է ունենանք,  որովհետև հատկապես պատերազմից հետո, եթե պատկերացում ունեինք, որ Հայաստանն է Արցախի անվտանգության երաշխավորը, հիմա կարող ենք ասել, որ Արցախն է Հայաստանի անվտանգության երաշխավորը, և Գեղարքունիքում և Սյունիքում  մենք մեր մաշկի վրա զգում ենք, թե թշնամուն քանի կիլոմետր հեռու էր պահում  Արցախը»,- նշեց  դա պետք է գնպատգամավորը՝ հավելելով, որ դա պետք է գնահատել։

«Կարծեք արցախյան հարցը քաղաքական օրակարգից դուրս է եկել»,- նկատեց Թագուհի Թովմասյանը՝ հավելելով, որ այս ընթացում միայն պատգամավոր Տարոն Սիմոնյանն է մի քանի անգամ խոսել Արցախի մասին:

«Մենք մեծապես Արցախը մոռացել ենք, և այնպիսի տպավորություն է, որ հանձնեցինք ու պրծանք, բայց չենք մոռացել և շարունակելու ենք Արցախը պահել մեր ուշադրության կենտրոնում»,- ընդգծեց Թովմասյանը։

Մանրամասները՝ տեսանյութում: